ایشیز سیریز کے پہلے ٹیسٹ میچ کی پہلی اننگز میں انگلینڈ کی پوری ٹیم 147 رنز پر آئوٹ ، آسٹریلوی ٹیم (کل) اپنی اننگز کا آغاز کرے گی

بدھ 8 دسمبر 2021 21:23

سڈنی (اُردو پوائنٹ اخبارتازہ ترین - آن لائن۔ 08 دسمبر2021ء) انگلینڈ اور آسٹریلیا کے درمیان جاری ایشیز سیریز کے پہلے ٹیسٹ میچ کی پہلی اننگز میں انگلینڈ کی پوری ٹیم 147 رنز پر آئوٹ ہوگئی، آسٹریلوی ٹیم (آج) جمعرات کو اپنی اننگز کا آغاز کرے گی۔

(جاری ہے)

انگلینڈ کی جانب سے اولی پوپ، جوز بٹلر، حسیب حمید اور کرس ووکس کے علاوہ کوئی کھلاڑی ڈبل فیگر میں شامل نہیں ہوسکا،خمذکورہ کھلاڑیوں نے بالترتیب 35، 39، 25 اور 21 رنز بنائے۔

آسٹریلیا کی جانب سے کپتان پیٹ کمنز نے انگلینڈ کے 5 شکار کیے جبکہ میچل اسٹارک اور جوز ہیزل ووڈ نے دو، دو کھلاڑیوں کو آئوٹ کیا،بارش کے باعث میچ مقررہ وقت سے پہلے ختم کردیا گیا، پہلے دن صرف 50 اعشاریہ ایک اوورز کا کھیل ممکن ہوسکا، آسٹریلوی ٹیم (آج) جمعرات کو اپنی اننگز کا آغاز کرے گی۔آسٹریلیا اور انگلینڈ کے درمیان ایشیز 22-2021 سیریز میں اس بار میزبانی آسٹریلیا کر رہا ہے۔