سوشل میڈیا پر احسن محسن اکرام کی چپل زیر بحث،منال خان کو شوہر کو نئی چپل دلانے کے مشورے

پیر 25 اپریل 2022 16:36

کراچی (اُردو پوائنٹ اخبارتازہ ترین - این این آئی۔ 25 اپریل2022ء) پاکستانی معروف اداکارہ منال خان کو مداحوں کی جانب سے شوہر اداکار احسن محسن اکرام کو نئی چپل دلانے کے مشورے دیئے جا رہے ہیں۔منال خان کی جانب سے اپنے انسٹا گرام اکاؤنٹ پر نئی تصویرشیئر کی گئی ہے جس میں وہ بہن ایمن خان اور شوہر احسن محسن اکرام کے ساتھ دیکھی جا سکتی ہیں۔

(جاری ہے)

تصویر میں اداکارہ منال خان، ایمن اور محسن کے ہمراہ خریدو و فروخت کے بعد متعدد شاپنگ بیگز اٹھائے ہوئے نظر آ رہی ہیں، منال خان نے اپنی اس پوسٹ پر شاپنگ کو اپنی موڈ تھیراپی قرار دیا ہے جبکہ ساتھ میں ایک ڈالر اگلنے والا ایموجی بھی استعمال کیا ہے۔

اس تصویر پر سوشل میڈیا صارفین کی جانب سے منال خان پر جہاں مہنگے ترین برانڈز سے شاپنگ کرنے پر تنقید کی جا رہی ہیں وہیں اٴْن کے شوہر کی چپل بھی زیرِ بحث ہے۔انٹرنیٹ صارفین کا منال خان کو اس پوسٹ کے کمنٹ باکس میں کہنا ہے کہ اتنی مہنگی شاپنگ کی ہے تو اپنے شوہر کو نئی چپل ہی دلا دیتی۔