یاسین ملک پر جھوٹے الزامات کشمیریوں کی جدوجہد آزادی نہیں روک سکتے :شاہد آفریدی

بھارت انسانی حقوق کی کیخلاف ورزیوں پراٹھنے والی آوازوں کو دبانے کی کوشش کررہا ہے، اقوام متحدہ کشمیری رہنماؤں کیخلاف غیرمنصفانہ،غیرقانونی سرگرمیوں کا نوٹس لے: سابق کپتان کا ٹویٹ

ذیشان مہتاب بدھ 25 مئی 2022 14:20

یاسین ملک پر جھوٹے الزامات کشمیریوں کی جدوجہد آزادی نہیں روک سکتے ..

لاہور (اردو پوائنٹ تازہ ترین اخبار ۔ 25 مئی 2022ء ) سابق ٹیسٹ کرکٹر شاہد آفریدی نے کہا ہے کہ یاسین ملک پر جھوٹے الزامات کشمیریوں کی جدوجہد آزادی کو نہیں روک سکتے۔ شاہد آفریدی نے ٹوئٹر پر بیان میں کہا کہ ’’بھارت کی جانب سے مسلسل انسانی حقوق کی پامالی اور خلاف ورزیوں پر اٹھنے والی آوازوں کو دبانے کی کوششیں کی جا رہی ہیں۔

(جاری ہے)

انہوں نے کہا کہ یاسین ملک کیخلاف جعلی الزامات کشمیریوں کی جدوجہد آزادی کو نہیں روک سکیں گے۔

اقوام متحدہ پر روز دیتا ہوں کہ وہ کشمیری رہنماؤں کیخلاف غیرمنصفانہ اورغیرقانونی سرگرمیوں کا نوٹس لے‘‘۔