الحمراء آرٹ میوزیم ،ْ پورا ہفتہ کھلا رہے گا

ایگزیکٹوڈائریکٹر الحمراء محمد رفیع اللہ نے اس اقدام کا اعلان اپنے دورہ آرٹ میوزیم کے موقع پر کیا

جمعہ 16 ستمبر 2022 22:47

لاہور (اُردو پوائنٹ اخبارتازہ ترین - آن لائن۔ 16 ستمبر2022ء) الحمراء آرٹ میوزیم پورا ہفتہ کھلا رہے گا۔ایگزیکٹوڈائریکٹر الحمراء محمد رفیع اللہ نے اس اقدام کا اعلان اپنے دورہ آرٹ میوزیم کے موقع پر کیا۔محمد رفیع اللہ نے اس حوالے سے کہا کہ اس اقدام کا مقصد فنون لطیفہ سے محبت رکھنے والوں کو فن پارے دیکھنے کا موقع فراہم کر نا ہے،الحمراء آرٹ میوزیم میں 116عالمی شہر ہ آفاق آرٹسٹوں کے 175فن پارے کئے گئے ہیں۔

(جاری ہے)

محمد رفیع اللہ نے کہا کہ لاہور بھر کی کالجز و یونیورسٹیوں کو دعوت نامے جاری کئے جائیں گے،تاکہ زیادہ سے زیادہ طلبہ وطالبات الحمراء آرٹ میوزیم ،ْ کی خدمات سے مستفید ہو سکیں۔محمد رفیع اللہ نے کہا کہ نامو رمصور عبد الرحمن چغتائی ،استاد اللہ بخش ،صادقین،شاکر علی ،ایس صفدر ،حنیف رامے کا کام میوزیم کی زنیت ہے،احمد پرویز،کولن ڈیوڈ ،اسلم کمال،جمی انجینئر،میر ی کترینا ،کامل خان،انامولیکا و دیگر آرٹسٹوں کا کام میوزیم میں آویزاں ہے،اپنے خوبصورت محل و قوع رکھنے والا الحمراء آرٹ میوزیم ،ْ فن کی دنیا کا شاہکار ہے۔