تحریک انصاف کے کپتان کی سرگودھا میں تین وکٹیں گر گئیں،سیاست میں ہلچل مچ گئی

پیر 29 مئی 2023 17:55

سرگودھا(اُردو پوائنٹ اخبارتازہ ترین - این این آئی۔ 29 مئی2023ء) تحریک انصاف کے کپتان کی سرگودھا میں تین وکٹیں گر گئیں اور پانچ مزید وکٹیں گرنے کی قیاس آرائی نے سرگودھا شہر سمیت ضلع بھر کی سیاست میں ہلچل مچا دی ہے۔

(جاری ہے)

تحریک انصاف کے سرگودھا میں رہنماؤں تحریک انصاف میٹروپولٹین کارپوریشن کی صدر،سابق رکن صوبائی اسمبلی و سابق امیدوار این اے 90 ڈاکٹر نادیہ عزیر،انصاف ٹریڈ ونگ کے ضلعی صدر و امیدوار پی پی 76 مہر محسن رضا اور سابق امیدوار پی پی 77 چوہدری محمد اقبال نے تحریک انصاف کو خیر آباد کہہ دیا جنہوں نے اپنے الگ الگ بیانات میں 9 مئی کے واقعات کی شدید الفاظ میں مزمت کرتے ہوئے انہوں نے فل وقت سیاست کو خیر آباد کہہ دیا اور اپنے ارٹی عہدوں سمیت تحریک انصاف کو چھوڑنے کا اعلان کر دیا جبکہ سرگودھا کے سیاسی حلقوں میں کپتان کی مزید پانچ وکٹوں کے گرنے کی قیاس آرائی نے سرگودھا شہر سمیت ضلع بھر کی سیاست میں ہلچل مچا دی ہے۔