فیصل آباد میں نوجوان نے چلتی ٹرین کے آگے لیٹ کرخودکشی کر لی

بدھ 14 فروری 2024 13:03

مکوانہ (اُردو پوائنٹ اخبارتازہ ترین - این این آئی۔ 14 فروری2024ء) فیصل آباد میں 31 سالہ نوجوان نے چلتی ٹرین کے آگے لیٹ کر زندگی کا خاتمہ کرلیا۔ تفصیلات کے مطابق جھمرہ روڈ پر طارق آباد پھاٹک کے قریب 31 سالہ نوجوان نے چلتی ٹرین کے آگے لیٹ کر زندگی کا خاتمہ کرلیا، مضروب موقع پر ہی دم توڑ گیا۔

(جاری ہے)

مرنے والے نوجوان کی شناخت ایم قاسم ولد ایم اسحاق کے نام سے ہوئی ہے جوکہ عبداللہ پور کا رہائشی تھا۔ ریسکیو حکام نے بتایا کہ ریسکیو کنٹرول روم میں ٹرین حادثہ کی اطلاع موصول ہوئی جس پر فوری امدادی ٹیم روانہ کی گئی۔ موقع پر موجود افراد نے بتایا کہ نوجوان خود ٹرین کے آگے لیٹ گیا اورمو قع پر ہی دم توڑ گیا۔ لاش کو لواحقین کے حوالے کر دیا گیا۔