ڈبلن ٹیک سمٹ میں شرکت کے لئے 8 مارچ تک درخواستیں جمع کرائی جاسکتی ہیں، ٹی ڈی اے پی

منگل 5 مارچ 2024 14:39

اسلام آباد (اُردو پوائنٹ اخبارتازہ ترین - اے پی پی۔ 05 مارچ2024ء) ٹریڈ ڈویلپمنٹ اتھارٹی پاکستان (ٹی ڈی اے پی)نے آئرلینڈ میں منعقد ہونے والی بین الاقوامی تجارتی نمائش ’’ڈبلن ٹیک سمٹ‘‘ میں شرکت کے لئے8 مارچ تک درخواستیں طلب کر لیں۔

(جاری ہے)

ٹی ڈی اے پی کے مطابق 2روزہ نمائش آئرلینڈ کے شہر ڈبلن میں 29 تا 30 مئی تک جاری رہے گی جس میں انفارمیشن ٹیکنالوجی سلوشنز ، آرٹیفیشل انٹیلجنس اینڈ مشین لرننگ ،ای کامرس ، موبائیل ایپ ڈویلپمنٹ اور ہیلتھ ٹیک سے وابستہ افراد و ادارے اپنی مصنوعات عالمی خریداروں کے سامنے پیش کرنے کے ساتھ ساتھ اپنے کاروباری معاملات طے کرسکیں گے ۔نمائش کے حوالے سے مزید تفصیلات اتھارٹی کی ویب سائٹ سے حاصل کی جاسکتی ہیں۔