پاک فوج کی جانب سے خیبر پختونخوا کے عوام کوصحت کی بنیادی سہولیات کی فراہمی

چار روزہ فری آئی سرجیکل کیمپ میں 885 مرد، 544 خواتین اور 245 بچوں سمیت 1473 مریضوں کی مفت سکریننگ

پیر 22 اپریل 2024 22:04

پشاور (اُردو پوائنٹ اخبارتازہ ترین - آن لائن۔ 22 اپریل2024ء) پاک فوج کی جانب سے خیبر پختونخوا کے عوام کوصحت کی بنیادی سہولیات کی فراہمی، چار روزہ فری آئی سرجیکل کیمپ میں 885 مرد، 544 خواتین اور 245 بچوں سمیت 1473 مریضوں کی مفت سکریننگ ، مریضوں کو مفت نظر کی عینکیں اور ادویات مہیا کی گئیں۔

(جاری ہے)

پاک فوج کی جانب سے خیبر پختونخوا کے ضلع مہمند میں پاک فوج کی جانب سے منعقدہ چار روزہ فری آئی سرجیکل کیمپ اختتام پذیر ہو گیا، فری آئی سرجیکل کیمپ میں 1473 مریضوں کی مفت سکریننگ کی گئی، جن میں 885 مرد، 544 خواتین اور 245 بچے شامل ہیں، اس موقع پر 754 مریضوں کو مفت نظر کی عینکیں بھی فراہم کی گئیں۔

جبکہ 1139مریضوں کو مفت ادویات مہیا کی گئیں، الشفائ آئی ٹرسٹ کے تعاون سے منعقدہ فری آئی سرجیکل کیمپ میں 104 مریضوں کے آنکھوں کا آپریشن کیا گیا جبکہ 206 مریضوں کو مزید علاج کے لئے الشفائ آئی ٹرسٹ ہسپتال راولپنڈی بھیجا گیا، چار روزہ فری آئی سرجیکل کیمپ کے انعقاد پر مقامی عوام نے پاک فوج کا شکریہ ادا کرتے ہوئے کہا کہ انہیں آنکھوں کے علاج کے لئے دور دراز علاقوں سے سفر کرنا پڑتا تھا، اس طرح کے فری میڈیکل کیمپ کا انعقاد جاری رکھا جائے تاکہ غریب عوام اس سے مستفید ہو سکیں۔