تعلیمی اداروں میں غیر نصابی سرگرمیاں طلبا میں مثبت رحجانات کو جنم دیتی ہیں،گورنرحاجی غلام علی
بدھ 24 اپریل 2024 22:30
(جاری ہے)
تقریب میں چیئرمین بورڈ آف گورنرغلام قادرخان،کالج کے ڈین زاہدامان،فیکلٹی اراکین، ججزکاکرداراداکرنے والے ڈاکٹرعبداللہ، ڈاکٹرمحمداحمد،پروفیسر ڈاکٹرامیرمحمد،پروفیسر ڈاکٹرخالد جاوید، ڈاکٹر توصیف امان،طالبات اور دیگر نے شرکت کی۔
گورنر نے پٹ شو میں اول، دوئم اور سوئم پوزیشن لینے والوں میں میڈلز، تعریفی سرٹیفیکیٹس اور نقد انعامات بھی تقسیم کئے۔گورنر نے فن فئیر میں طالبات کیجانب سے لگائے گئے مختلف اسٹالز کا معائنہ کیا، کھانے پینے سمیت دیگر اشیا پر مشتمل اسٹالز لگانے پر طالبات کی حوصلہ افزائی کی اور کالج میں پٹ شو میں طالبات کیجانب سے لائے گئے مختلف قیمتی نسل کے انکے پالتو جانوروں کا معائنہ کیا۔گورنر نے پٹ شو اور فن فئیر میں طالبات کی دلچسپی کو سراہا اور طالبات کو گورنر ہاوس کا دورہ کرنیکی بھی دعوت دی جس پرطالبات نے بے حدخوشی کااظہارکرتے ہوئے گورنرکاشکریہ اداکیا۔کالج کے ڈین ڈاکٹرزاہدامان نے کالج کادورہ کرنے اور طالبات کی حوصلہ افزائی کرنے پر گورنرکاشکریہ اداکیا۔ گورنرنے کہاکہ پالتو جانوروں سے طالبات کی محبت دیکھ کر خوشی ہوئی،طالبات کا اس طرح کی سرگرمیوں میں بڑھ چڑھ کرحصہ لینا خوش آئند ہے۔انہوں نے فن فئیر اور پٹ شو کے انعقاد پر کالج انتظامیہ کو بھی خراج تحسین پیش کیا۔گورنرنے کہاکہ غیر نصابی سرگرمیاں انسان میں اپنی ذمہ داریوں کا احساس اجاگر کرنے کا باعث بنتی ہیں،تعلیم صرف درسی کتب اور لیکچر تک محدود نہیں،بلکہ ہم نصابی سرگرمیاں بھی اس کاحصہ ہوتی ہیں، جن سے طلبا کی ذہنی، جسمانی اور اخلاقی نشوونما ہو تی ہے۔گورنرنے کہاکہ اساتذہ اپنے اپنے تعلیمی اداروں میں غیر نصابی سرگرمیوں کی اہمیت و افادیت اجاگر کرنے میں اپنا بھرپور کردار ادا کریں اور طلبہ کے ساتھ مضبوط تعلق قائم کریں۔انہوں نے کہاکہ تمام تعلیمی اداروں میں غیرنصابی سرگرمیوں میں مقابلوں کا انعقاد یقینی بنایاجائے تاکہ طلبہ کی صلاحیتیں اجاگرکرنے میں مدد مل سکے۔ جن بچوں کو برداشت اور مشکلات کے مقابلوں کی تربیت حاصل ہو وہ کل ملک کیلئے بہترین اثاثہ ثابت ہوں گے اورمعاشرے میں عدم برداشت کی صورت حال کو ختم کرنے میں اساتذہ اہم کردار ادا کرسکتے ہیں۔تقریب کے اختتام پر چیئرمین بورڈ آف گورنرزغلام قادرخان نے گورنر کو اور گورنر نے چیئرمین بورڈ آف گورنرز اور ڈین خیبر گرلز میڈیکل کالج ڈاکٹر زاہد امان کو شیلڈ پیش کی۔گورنر نے اس موقع پر فن فئیر انتظامیہ ایسوسی ایٹ پروفیسر ڈاکٹر توصیف امان سمیت دیگر فیکلٹی اراکین اور طالبات انتظامیہ میں تعارفی شیلڈز تقسیم کیں۔علاوہ ازیں گورنر سے نیشنل کمیشن فارھیومن ڈویلپمنٹ پراجیکٹ سے آل خیبرپختونخواٹیچرزایسوسی ایشن کے 8 رکنی نمائندہ وفد نے صدر ڈاکٹرسعیدگل کی سربراہی میں بھی گورنرہاوس میں ملاقات کی۔وفد میں نائب صدر غلام رسول،جنرل سیکرٹری مولانامحمدشعیب اوردیگرشامل تھے۔وفد نے گورنرکواین سی ایچ ڈی کے تحت کام کرنے والے اساتذہ کودرپیش مسائل ومشکلات سے آگاہ کیا۔ انہوں نے گورنرکوبتایاکہ وہ گذشتہ 20 سال سے اس پروگرام کے تحت اپنی ذمہ داریاں سرانجام دے رہے ہیں،2021 سے یہ پراجیکٹ ایلمنٹری ایجوکیشن فانڈیشن کے حوالے کردیاگیا۔انہوں نے بتایاکہ وہ نہ صرف حکومت کی مقررکردہ کم سے کم تنخواہ سے محروم ہے بلکہ کئی مہینے تک تنخواہیں بھی نہیں دی جاتی۔ انہوں نے گورنرسے مطالبہ کیا کہ ان کے تنخواہوں کامسئلہ بھی حل کیاجائے اورملازمت بھی مستقل کی جائے جس پر گورنرنے وفد کو اپنی جانب سے مکمل تعاون کایقین دلایا اورکہاکہ اس حوالے سے صوبائی حکومت کے ساتھ بات کی جائیگی۔ دریں اثنا گورنرسے سابق صوبائی وزیر سیدظاہرعلی شاہ کی قیادت میں ایک نمائند ہ وفداورمسلم لیگ(ن) کے رکن صوبائی اسمبلی سردارشاہجہان یوسف نے بھی الگ الگ ملاقات کی اور مختلف امور پر تبادلہ خیال کیا۔#متعلقہ عنوان :
مزید قومی خبریں
-
پنجاب حکومت کی جانب سے گندم کی امپورٹ کی نشاندہی تاخیر سے کی گئی
-
پشاور پولیس کی کارروائی، بین الاضلاعی منشیات سمگلنگ میں ملوث دو خواتین ملزمان گرفتار
-
حیرت ہے پنجاب حکومت کے پاس گندم خریدنے کیلئے بھی پیسے نہیں، مشیر خزانہ خیبرپختونخوا مزمل اسلم
-
وزیراعلی پنجاب مریم نواز کی جانب سے پشاور کے سیلاب و بارش متاثرین کے لیے تحفہ
-
کراچی،50لاکھ کی ڈکیتی کا ڈراپ سین، رقم جمع کروانے والا ہی واردات کا ماسٹرمائنڈ نکلا
-
وزیر قانون نے چیف جسٹس کی مدت میں اضافے کے حوالے سے اشارہ دیا ہے ‘ اسد قیصر
-
عازمین حج کی حجاز مقدس روانگی کے سلسلے میں اسلام آباد انٹرنیشنل ایئرپورٹ پر روڈ ٹو مکہ منصوبے کے تحت تیاریاں مکمل
-
این اے 148ضمنی الیکشن،مسلم لیگ (ن) کا پیپلز پارٹی کے امیدوار کی حمایت کا اعلان
-
آئندہ چوبیس گھنٹوں کے دوران ملک کے بیشتر علاقوں میں موسم گرم اور خشک رہے گا، محکمہ موسمیات
-
وزیراعظم کو گندم درآمد تحقیقات کی ابتدائی تفصیلات سے آگاہ کر دیا گیا
-
عرب ممالک میں عیدالاضحی 16جون کو ہونے کا امکان
-
رواں سال غیر معمولی مون سون بارشیں ہونے کی پیشگوئی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.