بشری بی بی کی طبی معائنے کی اجازت کی درخواست پر بشری بی بی کا اسلام آباد ڈائیگناسٹک سنٹر یا ایکسل لیب سے طبی معائنے کی ہدایت

بدھ 24 اپریل 2024 19:40

اسلام آباد (اُردو پوائنٹ اخبارتازہ ترین - اے پی پی۔ 24 اپریل2024ء) اسلام آباد ہائیکورٹ کے جسٹس میاں گل حسن اورنگزیب نے بشری بی بی کی طبی معائنے کی اجازت کی درخواست پر بشری بی بی کا اسلام آباد ڈائیگناسٹک سنٹر یا ایکسل لیب سے طبی معائنے کی ہدایت کرتے ہوئے سماعت پیر تک ملتوی کر دی ۔

(جاری ہے)

بدھ کو سماعت کے موقع پر عدالتی احکامات پر عمل درآمد نہ ہونے پر فاضل جسٹس نے برہمی کا اظہار کرتے ہوئے کہا کہ ہمارے احکامات پر عمل درآمد کیوں نہیں ہوا ۔عدالت نے ایڈوکیٹ جنرل اسلام آباد کو فوری طلب کر لیا۔ فاضل جسٹس نے کہا کہ ہم نے ایڈووکیٹ جنرل کو کہا تھا کہ ہمارے پچھلے حکم کی تعمیل کریں ، عدالت نے پیر تک درخواست گزار کےٹیسٹ کراکے رپورٹ پیش کرنے کی ہدایت کرتے ہوئے سماعت پیر تک ملتوی کر دی ۔