راولپنڈی،10ملزمان سے چرس،شراب،اسلحہ و ایمونیشن اور سامان آتش بازی برآمد،مقدمات درج

جمعہ 26 اپریل 2024 19:30

راولپنڈی(اُردو پوائنٹ اخبارتازہ ترین - این این آئی۔ 26 اپریل2024ء) راولپنڈی پولیس نے جرائم پیشہ عناصر اور قانون شکن عناصرکے خلاف کارروائی کرتے ہوئی10ملزمان کوگرفتارکرلیا،ملزمان کے قبضہ سے چرس،شراب،اسلحہ و ایمونیشن اور سامان آتش بازی برآمدکرکے مقدمات درج کرلئے گئے۔

(جاری ہے)

تفصیلات کے مطابق صادق آباد پولیس نے ملزم صہیب سے 01کلو250گرام چرس،آر اے بازار پولیس نے ملزم احسن سے 01پستول 30بور معہ ایمونیشن،واہ کینٹ پولیس نے ملزم شاہد سے 580گرام چرس،نصیرآباد پولیس نے ملزم آفتاب سے 510گرام چرس،ملزم فہد سے 05لیٹر شراب،رتہ امرال پولیس نے ملزم ثاقب سے 01پستول 30بور معہ ایمونیشن،صدر بیرونی پولیس نے ملزم صابر سے 01پستول 30بور معہ ایمونیشن،دھمیال پولیس نے ملزم ظفر سے 01پستول 30بور معہ ایمونیشن،صدر واہ وپولیس نے ملزم ندیم سے 01پستول 30بور معہ ایمونیشن،سول لائنز پولیس نے ملزم بابر سے 12ہوائیاں،12انار،12ڈبی ماچس پٹاخے برآمد کرکے ملزمان کے خلاف الگ الگ مقدمات درج کرلیے گئے ۔

ایس ایس پی آپریشنز فلائٹ لیفٹیننٹ (ر) حافظ کامران اصغر نے کہاکہ گرفتار ملزمان کو ٹھوس شواہد کے ساتھ چالان کر کے قرار واقعی سزا دلوائی جائے گی،منشیات کے ناسور کے خاتمہ کے لیے کریک ڈائون جاری رہے گا۔