عاصم اظہر نے اپنی تمام انسٹاگرام پوسٹس ڈیلیٹ کرنے کی وجہ بتا دی
ہفتہ 27 اپریل 2024 22:05
کراچی(اُردو پوائنٹ اخبارتازہ ترین - آن لائن۔ 27 اپریل2024ء) پاکستانی میوزک انڈسٹری کے نوجوان گلوکار عاصم اظہر نے اپنی انسٹاگرام پوسٹس ڈیلیٹ کرنے کی وجہ بتاتے ہوئے مداحوں کو بڑی خوشخبری سنا دی۔گزشتہ دنوں عاصم اظہر نے اپنی انسٹاگرام پوسٹ میں مداحوں سے پوچھا تھا کہ انہوں نے گلوکار کا پہلا گانا کونسا اور کس عمر میں سنا تھا ، اس پوسٹ پر مداحوں کی جانب سے تبصروں کی بھرمار ہوگئی تھی۔مداحوں نے تبصرے کرتے ہوئے گلوکار کے سوال کا جواب دیا تھا اور ماضی کی یادوں کو تازہ کیا تھا، عاصم اظہر نے مداحوں کی محبت دیکھتے ہوئے ان سے وعدہ کیا تھا کہ وہ بہت جلد اپنی زندگی کی سب سے خوشخبری مداحوں کے ساتھ شیئر کریں گے۔بعدازاں، عاصم اظہر نے اپنے آفیشل انسٹاگرام ہینڈل سے تمام پوسٹس ڈیلٹ کرکے سب کو ان فالو کردیا تھا، گلوکار کا کہنا تھا کہ انسان کو اپنا آپ پانے کے لیے، سب سے پہلے اپنا آپ کھونا پڑتا ہے۔
(جاری ہے)
یہ سب دیکھ کر عاصم اظہر کے مداح تشویش میں مبتلا ہوگئے تھے اور مداحوں نے اپنے طرف سے اندازے لگانا شروع کردیے تھے کہ شاید گلوکار کا اپنی منگیتر میرب علی کے ساتھ بریک اپ ہوگیا ہے، اسی وجہ سے انہوں نے اپنی تمام پوسٹس ڈیلیٹ کیں۔تاہم، اب عاصم اظہر نے اپنے پریشان مداحوں کو خوشخبری سناتے ہوئے اپنی تمام انسٹاگرام پوسٹس اور فالوونگ ڈیلیٹ کرنے کی وجہ بتا دی ہے۔عاصم اظہر نے اپنی انسٹاگرام پوسٹ کے ذریعے بتایا کہ وہ اپنے میوزک کیریئر کی ایک دہائی مکمل کرنے کے بعد اپنا ڈیبیو البم بیمطلب ریلیز کرنے کے لیے تیار ہیں۔گلوکار نے کہا کہ انہوں نے اپنے مداحوں سے اسی خوشخبری کا وعدہ کیا تھا، ان کا ڈیبیو البم بیمطلب یکم مئی کو ریلیز کیا جائے گا۔مداحوں نے عاصم اظہر سے انسٹاگرام پوسٹس ڈیلیٹ کرنے کی وجہ پوچھی تو گلوکار نے کہا کہ میں اس البم کے ذریعے اپنے مداحوں کے ساتھ اپنے کیریئر کے نئے سفر کا آغاز کررہا ہوں، اسی لیے میں نے تمام پوسٹس ڈیلیٹ کیں کیونکہ میں اپنے نئے سفر کا آغاز بیمطلب ہوکر کرنا چاہتا ہوں۔عاصم اظہر نے اپنی انسٹاگرام اسٹوری مین اپنا بروڈکاسٹ چینل شروع کرنے کا عندیہ دیتے ہوئے مداحوں سے پوچھا کہ کیا اپنا بروڈکاسٹ چینل بھی شروع کریں گلوکار نے اپنے کیریئر کے اس نئے سفر کے دوران اپنی منگیتر میرب علی کو اپنا سپورٹ سسٹم قرار دیا۔
