اداکارہ زرنش خان نے چہرے کی خوبصورتی کا راز افشا کر دیا

جلد کو ترو تازہ رکھنے کیلئے وہ لیموں اور چینی سے سکرب کرتی ہیں، چینی کی جگہ شہد شامل کرلیا جائے تو اور بھی بہتر ہے

منگل 7 مئی 2024 12:43

لاہور (اُردو پوائنٹ اخبارتازہ ترین - این این آئی۔ 07 مئی2024ء) پاکستانی اداکارہ زرنش خان نے چہرے کی خوبصورتی کا راز افشا کر دیا۔شوبز انڈسٹری کی خوبرو اداکارہ زرنش خان نے حال ہی میں نجی ٹی وی کے مارننگ شو میں شرکت کی اور میزبان نے ان کی خوبصورتی اور جاذبیت سے متعلق راز جاننے کی کوشش کی۔

(جاری ہے)

زرنش خان نے بتایا کہ جلد کو ترو تازہ رکھنے کیلئے وہ لیموں اور چینی سے سکرب کرتی ہیں اگر چینی کی جگہ شہد شامل کرلیا جائے تو اور بھی بہتر ہے، اس کے علاوہ جلد پر کیسٹر آئل بھی لگانا چاہیے۔بالوں کی خوبصورتی اور نشوونما کے حوالے سے اداکارہ نے بتایا کہ دہی اور انڈے کے پیسٹ کے فوائد سے تو سب ہی واقف ہیں اس لیے کسی چیز کو اتنا مت سوچیں یہ چیزیں گھر میں ہی موجود ہوتی ہیں ان سے فائدہ اٹھائیں۔