آئرلینڈ کیخلاف تیسرے ٹی ٹونٹی میں اہم کھلاڑی کو آرام دیے جانے کا امکان

ٹیم انتظامیہ تین سپنرز کا انتخاب کر سکتی ہے اور نسیم شاہ کو آرام دیا جا سکتا ہے

ذیشان مہتاب منگل 14 مئی 2024 10:57

آئرلینڈ کیخلاف تیسرے ٹی ٹونٹی میں اہم کھلاڑی کو آرام دیے جانے کا ..

ڈبلن (اردو پوائنٹ تازہ ترین اخبار ۔ 14 مئی 2024ء ) آئرلینڈ کے خلاف تیسرے ٹی 20میں ٹیم انتظامیہ تین سپنرز کا انتخاب کر سکتی ہے اور نسیم شاہ کو آرام دیا جا سکتا ہے۔

(جاری ہے)

نجی ٹی وی کے مطابق پاکستان اور آئر لینڈ کی ٹیمیں تین میچز پر مشتمل ٹی 20 سیریز کے آخری میچ کے لئے منگل کو کلونٹرف کرکٹ سٹیڈیم میں مدمقابل ہوں گی، میچ کے لئے پاکستان کا ممکنہ سکواڈ سامنے آگیا، جس کے مطابق محمد رضوان، صائم ایوب، بابر اعظم، فخر زمان، اعظم خان، افتخار احمد، عماد وسیم، شاہین شاہ آفریدی، ابرار احمد، محمد عامر اور عباس آفریدی ٹیم کا حصہ ہوں گے، صائم ایوب اور محمد رضوان کے ایک بار پھر اننگز کا آغاز کرنے کا امکان ہے جب کہ بابر اعظم ون ڈاؤن پوزیشن پر کھیلیں گے، افتخار احمد اور عماد وسیم کا چھٹے اور ساتویں نمبر پر کھیلنے کا امکان ہے۔