dدودھ میں پا نی کی ملاوٹ کرنے پر 8 شیر فروش گرفتار

ح*ضلعی انتظامیہ نے کارروائیوں کے دوران آٹھ د کانیں سیل کردیں ‘ ترجمان

منگل 14 مئی 2024 20:40

۱پشاور(اُردو پوائنٹ اخبارتازہ ترین - آن لائن۔ 14 مئی2024ء) صوبائی دارلحکومت پشاورمیں ضلعی انتظامیہ نے کاروائی کر تے ہوئے ملاوٹ شدہ دودھ فروخت کرنے پرمختلف علاقوں سے 08 شیر فروشوں کو گرفتارکرتے ہوئے دکانوں کو سیل کر دیا۔

(جاری ہے)

اس حوالے سے صوبائی حکومت کے احکامات کی روشنی میں ضلعی انتظامیہ پشاور نے محکمہ لائیو سٹاک حکام کے ہمراہ حیات آباد کی مختلف مارکیٹوں میں شیر فروشوں کی دکانوں میں دودھ کا لائیو سٹاک کی جدیدموبائل لیبارٹری کے زریعے تجزیہ کیا۔

لیبارٹری رپورٹ میں دودھ میں پانی کی وافر مقدارکی ملاوٹ ثابت ہونے پر08 شیرفروشوں کو گرفتار کرتے ہوئے دکانوں کو سیل کر دیا گیا۔اس حوالے سے انتظامی افسران کو پشاور بھر میں شیرفروشوں کی دکانوں میں دودھ کا معائنہ کر نے کا حکم دیا ہے اور ملاوٹ ثابت ہونے پر سخت قانونی کاروائی کی ہدایت کی ہے۔جبکہ ان گرفتار افراد کے خلاف قانونی کاروائی عمل میں لائی جائے گی۔