امریکی خاتون کا جمائی لینے کے بعد منہ کھلا کا کھلا رہ گیا

جمائی لینے کی طاقت کے دوران ان کے جبڑے جگہ سے ہل گئے اور لاک ہوگئے

بدھ 15 مئی 2024 12:58

امریکی خاتون کا جمائی لینے کے بعد منہ کھلا کا کھلا رہ گیا

واشنگٹن(اُردو پوائنٹ اخبارتازہ ترین - این این آئی۔ 15 مئی2024ء) امریکا میں ایک نوجوان خاتون کو جمائی لینے کی وجہ سے اسپتال میں تب داخل ہونا پڑگیا جب ان کا منہ کھلا ہی رہ گیا۔غیرملکی میڈیا کے مطابق21 سالہ جینا سیناترا کو حال ہی میں اس انوکھی اور عجیب تکلیف سے گزرنا پڑا جب جمائی لینے کی وجہ سے اس کے دونوں جبڑے اوپر ہی رہ گئے۔

(جاری ہے)

رپورٹس کے مطابق اسپتال میں خاتون کے ساتھ موجود لوگوں کا بتانا تھا کہ وہ تقریبا ایک گھنٹے سے اسی حالت میں ہے، اس دوران خاتون کو بات کرنے میں مشکل پیش آرہی تھی اور اسے تکلیف بھی محسوس ہو رہی تھی۔

غیرملکی میڈیا کے مطابق اسپتال میں ایکس رے اور دیگر ٹیسٹ کرنے کے بعد خاتون کو بتایا گیا کہ جمائی لینے کی طاقت کے دوران ان کے جبڑے جگہ سے ہل گئے ہیں اور لاک ہوگئے ۔غیرملکی میڈیا کے مطابق کئی گھنٹے کے ٹیسٹ اور دواں کے بعد خاتون کے جبڑوں کو پھر سے اصلی حالت میں صحیح کردیا گیا۔امریکی خاتون نے اس سارے عمل کی ویڈیو بھی سوشل میڈیا پر شیئر کی ہے جسے دیکھ کر لوگ حیرانی کا اظہار کر رہے ہیں۔