علی امین گنڈاپورکی نیب نوٹس کے خلاف درخواست پر سماعت ملتوی

بدھ 15 مئی 2024 14:44

پشاور (اُردو پوائنٹ اخبارتازہ ترین - این این آئی۔ 15 مئی2024ء) پشاور ہائی کورٹ نے وزیر اعلی خیبرپختونخوا علی امین گنڈاپور کی قومی احتساب بیورو (نیب)کے نوٹس کے خلاف دائر درخواست پر سماعت ملتوی کردی۔کیس کی سماعت ہائی کورٹ کے جسٹس اعجاز انور اور جسٹس شکیل احمد نے کی۔

(جاری ہے)

دوران سماعت درخواست گزار کے وکیل عالم خان ادینزئی ایڈووکیٹ نے عدالت کو آگاہ کیا کہ پہلے اس کیس میں جو کونسل تھا وہ سرکاری وکیل بن گیا ہے۔

وکیل نے کہا کہ آج وکالت نامہ جمع کیا ہے تھوڑا ٹائم دیا جائے۔اس موقع پر جسٹس اعجاز انور نے استفسار کیا کہ یہ انکوائری کونسی ہی پراسیکیوٹر نیب نے جواب دیا کہ درخواست گزارجب وفاقی وزیر تھے تو اختیارات کے ناجائز استعمال کا الزام تھا، نیب کا جو کال آپ نوٹس تھا وہ ختم ہوچکا ہے، تازہ جاری نہیں کیا، درخواست غیر موثر ہوگئی ہے۔اس کے بعد عدالت نے سماعت ملتوی کردی۔