سعودی وزیر خارجہ کی سلووینیا کے ہم منصب سے ملاقات

مشرق وسطی کی صورتحال اور غزہ میں بگڑتے ہوئے انسانی بحران پرتبادلہ خیال

جمعرات 16 مئی 2024 14:34

ریاض(اُردو پوائنٹ اخبارتازہ ترین - این این آئی۔ 16 مئی2024ء) سعودی عرب کے وزیر خارجہ شہزادہ فیصل بن فرحان نے دارالحکومت ریاض میں سلووینیا کی نائب وزیر اعظم اور وزیر خارجہ تنجا فجون کا خیرمقدم کیا ہے۔

(جاری ہے)

ایس پی اے کے مطابق ملاقات میں دونوں ملکوں کے درمیان مختلف شعبوں میں تعاون کے تعلقات اور مشترکہ دلچسپی کے امور پر دوطرفہ ہم آہنگی کو بڑھانے، بین الاقوامی منظرنامے کی صورتحال اور اس حوالے سے کی جانے والی کوششوں پر تبادلہ خیال کیا گیا۔

یاد رہے سلووینیا کی وزیر خارجہ نے گزشتہ روز اماراتی وزیر خارجہ شیخ عبداللہ بن زاید سے ملاقات کی تھی۔ملاقات میں دونوں ممالک کے درمیان دوستی کے مضبوط تعلقات اور مختلف شعبوں میں باہمی تعاون کو مزید فروغ دینے کے طریقوں پر تبادلہ خیال کیا گیا۔مشترکہ مفادات کے علاقائی اور بین الاقوامی امور خاص طور پر مشرق وسطی کی صورتحال اور غزہ میں بگڑتے ہوئے انسانی بحران پر بھی بات چیت کی۔