sلاہور :بچوں سے بدفعلی کرنے والا ملزم ہربنس پورہ سے گرفتار

جمعرات 16 مئی 2024 18:05

4لاہور (اُردو پوائنٹ اخبارتازہ ترین - آن لائن۔ 16 مئی2024ء) ورچوئل ویمن پولیس سٹیشن نے ہربنس پورہ سے بچوں کیساتھ بدفعلی کرنے والا ملزم گرفتار کروا دیا۔ترجمان سیف سٹیز اتھارٹی کے مطابق ایمرجنسی ہیلپ لائن 15پر بچوں سے بدفعلی کرنے کی اطلاع موصول ہوئی، کالر نے بتایا کہ استاد کی جانب سے بچوں کو بدفعلی کا نشانہ بنایا گیا ہے،بچوں کی عمر 8اور 9سال تھی۔

(جاری ہے)

اتھارٹی ترجمان نے بتایا کہ ورچوئل ویمن پولیس سٹیشن نے فوری پولیس کو موقع پر بھجوایا، پولیس نے مقدمہ درج کرتے ہوئے ملزم کو حراست میں لے لیا، پولیس نے ملزم اور بچوں کے میڈیکل ٹیسٹ کروانے کے بعد قانونی کارروائی کا آغاز کر دیا۔ترجمان کا مزید کہنا تھا کہ ورچوئل ویمن پولیس سٹیشن ہراسمنٹ، گھریلو تشدد، زبردستی شادی، تیزاب گردی سمیت خواتین کو درپیش تمام مسائل حل کرنے کے لیے چوبیس گھنٹے مصروفِ عمل ہے، خواتین کسی بھی ایمرجنسی میں 15پر کال کر کے 2دبا کر ورچوئل ویمن پولیس سٹیشن سے رابطہ کر سکتی ہیں۔