بانی پی ٹی آئی کی 3 مقدمات میں عبوری ضمانت میں 24 مئی تک توسیع

جمعہ 17 مئی 2024 16:58

لاہور (اُردو پوائنٹ اخبارتازہ ترین - این این آئی۔ 17 مئی2024ء) لاہور کی انسداد دہشت گردی عدالت نے 3مقدمات میں بانی پی ٹی آئی کی عبوری ضمانت میں 24 مئی تک توسیع کر دی۔انسداد دہشت گردی عدالت لاہور کے جج نے بانی پی ٹی آئی کی 9مئی کو جناح ہائوس، عسکری ٹاور اور تھانہ شادمان ٹائون کو جلانے کے 3 مقدمات میں عبوری ضمانت کی درخواست پر سماعت کی۔عدالت نے سابق وزیر اعظم کی عبوری ضمانت میں 24 مئی تک توسیع کر دی۔

(جاری ہے)

بعد ازاں عدالت نے بانی پاکستان تحریک انصاف کے وکیل سلمان صفدر کو دلائل کیلئے طلب کرتے ہوئے آئندہ سماعت پر بانی پی ٹی آئی کی ویڈیو لنک کے ذریعے پیشی کو یقینی بنانے کا حکم بھی دے دیا۔واضح رہے کہ 10مئی کو لاہور کی انسداد دہشتگردی عدالت نے 9مئی جلائو گھیرائو کے 3مقدمات میں بانی پی ٹی آئی کی عبوری ضمانتوں کی درخواست پر آئندہ سماعت میں ویڈیو لنک کے ذریعے ان کی حاضری یقینی بنانے کیلئے انتظامات مکمل کرنے کی ہدایت جاری کی تھی۔