پنجاب کے 567 سکولوں میں کوئی ٹیچر نہ ہونے کا انکشاف ‘اڑھائی ہزار سکولوں میں صرف ایک‘ایک ٹیچردستیاب

صوبے میں سرکار کی جانب سے چلائے جارہے 567 سکولوں میں اس وقت ایک بھی ٹیچر موجود نہیں ہے ‘13 ہزار سرکاری اسکولوں کو پرائیوٹ شعبے کے تعاون سے چلانے کا حتمی فیصلہ کر لیا ہے.سکول ایجوکیشن ڈیپارٹمنٹ

میاں محمد ندیم جمعہ 17 مئی 2024 16:02

پنجاب کے 567 سکولوں میں کوئی ٹیچر نہ ہونے کا انکشاف ‘اڑھائی ہزار سکولوں ..

لاہور(اردوپوائنٹ اخبارتازہ ترین-انٹرنیشنل پریس ایجنسی۔17مئی۔2024 ) ملک کے سب سے بڑے صوبے پنجاب کے 567 سکولوں میں کوئی ٹیچر نہ ہونے کا انکشاف ہوا ہے اور اڑھائی ہزار سکولوں میں صرف ایک، ایک ٹیچر دستیاب ہے سکول ایجوکیشن ڈیپارٹمنٹ سے موصول ڈیٹا میں انکشاف ہوا ہے کہ صوبہ پنجاب کے اڑھائی ہزار سرکاری سکولوں میں صرف ایک، ایک ٹیچر دستیاب ہے.

(جاری ہے)

نجی ٹی وی کی جانب سے جاری کردہ ڈیٹا کے مطابق صوبے میں حکومت کی جانب سے چلائے جارہے 567 سکولوں میں اس وقت ایک بھی ٹیچر موجود نہیں ہے سکول ایجوکیشن ڈیپارٹمنٹ نے 13 ہزار سرکاری اسکولوں کو پرائیوٹ شعبے کے تعاون سے چلانے کا حتمی فیصلہ کر لیا ہے.

اس سلسلے میں پہلے مرحلے میں زیرو ٹیچر اور سنگل ٹیچر والے 50 طلبا کے حامل سکولوں کو پیما کے حوالے کیا جائے گا دوسرے مرحلے میں چار ہزار 453 سکولوں کو نجی شعبے کے حوالے کیا جائے گا جبکہ تیسرے مرحلے میں 2 ہزار 903 سکولوں کو این جی اوز کے حوالے کیا جائے گا.

Facebook Twitter Google + Share on Whatsapp

پنجاب کے 567 سکولوں میں کوئی ٹیچر نہ ہونے کا انکشاف ‘اڑھائی ہزار سکولوں میں صرف ایک‘ایک ٹیچردستیاب

متعلقہ عنوان :

مزید اہم خبریں