ِبانی پی ٹی آئی اور بشریٰ بی بی کے خلاف 190ملین پائونڈ اسکینڈل کی سماعت 22مئی تک ملتوی

جمعہ 17 مئی 2024 22:09

راولپنڈی (اُردو پوائنٹ اخبارتازہ ترین - آن لائن۔ 17 مئی2024ء) بانی پی ٹی آئی اور بشریٰ بی بی کے خلاف 190ملین پائونڈ اسکینڈل کی سماعت 22مئی تک ملتوی ،بشریٰ بی بی کی جانب سے احتساب عدالت کے جج ناصر جاوید رانا پر عدم اعتماد کااظہار ،گزشتہ سماعت ملتوی ہونے کے حوالے سے ہمیں آگاہ نہیں کیا گیا بشریٰ بی بی کا جج سے مکالمہ ۔بشریٰ بی بی نے کہا کہ ہمیں سزا دینی ہے تو دے دیں میں کسی سے نہیں ڈرتی میں قیدی نہیں ہوں، میں ناانصافیوں کا شکار ہوں جس پر عدالت نے کہا کہ ہم نے وکلاء کو سماعت ملتوی ہونے کے حوالے سے آگاہ کیا تھا جیل انتظامیہ کی استدعا پر سماعت ملتوی کی گئی آپ کی غلط فہمی ہے کہ میں نے آگاہ نہیں کیا ۔

بشریٰ بی بی کے عدم اعتماد کے اظہار پر عدالتی کارروائی میں وقفہ کردیاگیا تاہم وکلاء کی طویل مشاورت کے بعد بشریٰ بی بی نے عدم اعتماد واپس لے لی ۔

(جاری ہے)

سماعت میں نیب کی جانب سے پیش کردہ گواہان کے بیانات قلمند نہ ہوسکے بشریٰ بی بی آج وکلاء ، بانی پی ٹی آئی اور فاضل جج سے ناراض نظر آئیں بانی پی ٹی آئی کے کہنے کے باوجود بشریٰ بی بی فیملی پورشن میں نہ گئیں بشریٰ بی بی نے بیٹیوں کے ساتھ ملاقات بھی اڈیالہ جیل کے الگ کمرے میں کی جبکہ بانی پی ٹی آئی کی جانب سے عثمان ریاض گل، ظہیر عباس چوہدری اور یوسف خالد چوہدری عدالت میں پیش ہوئے ۔