راولپنڈی،فائرنگ کے دوران ایک ملزم اپنے ہی ساتھیوں کی فائرنگ سے زخمی حالت میں گرفتار

جمعہ 17 مئی 2024 23:34

راولپنڈی(اُردو پوائنٹ اخبارتازہ ترین - این این آئی۔ 17 مئی2024ء) ائیرپورٹ کے علاقہ میں فائرنگ کے دوران ایک ملزم کواپنے ہی ساتھیوں کی فائرنگ سے زخمی حالت میں گرفتارکرلیاگیا۔

(جاری ہے)

تفصیلات کے مطابق ائیرپورٹ پولیس نے پام سٹی گراؤنڈ کے قریب سنیپ چیکنگ کے دوران مشکوک موٹرسائیکل سواروں کو رکنے کا اشارہ کیا تو ملزمان نے پولیس پارٹی پر فائرنگ شروع کر دی،فائرنگ کے دوران ایک ملزم اپنے ہی ساتھیوں کی فائرنگ سے زخمی حالت میں گرفتار ہوا، زخمی ملزم کی شناخت تیمور کے نام سے ہوئی،واقعہ کی اطلاع پر سینئر پولیس افسران موقعہ پر پہنچ گئے، ملزم چند روز قبل پولیس کانسٹیبل کو فائرنگ سے زخمی کر کے فرار ہو گیا تھا،ملزم کے دیگر فرار ساتھیوں کی گرفتاری کے لئے سرچنگ کی گئی ، ملزمان کی فائرنگ کے باوجود بہادری سے مقابلہ کرنے پر سی پی او سید خالد ہمدانی نے ائیرپورٹ پولیس ٹیم کو شاباش دیتے ہوئے کہاکہ شہریوں کے جان و مال اور پولیس پر حملہ کرنے والے ملزمان قانون کی گرفت سے نہیں بچ سکتے۔