جوابی کارروائی، ماسکو نے بھی برطانوی ملٹری اتاشی کو ملک بدرکردیا

ماسکو(اُردو پوائنٹ اخبارتازہ ترین - این این آئی۔ 18 مئی2024ء) روسی وزارت خارجہ کے اعلان کیا ہے کہ روس نے گزشتہ ہفتے برطانوی حکام کی اسی طرح کی کارروائی کے جواب میں برطانوی ملٹری اتاشی کو ملک بدر کرنے کا فیصلہ کیا ہے۔ غیرملکی خبررساں ادارے کے مطابق وزارت نے کہا کہ اس نے ماسکو میں برطانوی سفارت خانے کے نمائندے کو اپنے ہیڈ کوارٹرز میں طلب کیا اور لندن سے روسی اتاشی کی بے دخلی سے متعلق احتجاج کیا۔

(جاری ہے)

روسی وزارت خارجہ نے کہا کہ 16 مئی کو ماسکو میں برطانوی سفارت خانہ کے نمائندہ کو طلب کرکے برطانوی حکام کی جانب سے 8 مئی کو کیے گئے لندن میں روسی سفارت خانہ کے ملٹری اتاشی کے متعلق غیر دوستانہ اور بے بنیاد فیصلے پر سخت الفاظ میں احتجاج کیا گیا۔ روس نے کہا ہمارا اقدام اس حد تک محدود نہیں رہے گا اور کشیدگی کے آغاز کرنے والوں کو مزید اسی طرح کے اقدامات سے آگاہ کیا جائے گا۔روسی وزارت خارجہ نے مزید کہا کہ برطانوی سفارت کار کے ملٹری اتاشی اڈریان کوگل کو مطلع کردیا گیا ہے کہ اسے ایک ہفتے کے اندر روس سے نکل جانا چاہیے۔ وزارت نے خبردار کیا کہ وہ برطانوی فیصلے کے جواب میں اضافی اقدامات کرے گی۔