جھیل سیف الملوک روڈ کو جھیل تک کھول دیا گیا ہے ،محکمہ سیاحت خیبرپختونخوا

جمعرات 23 مئی 2024 11:24

پشاور (اُردو پوائنٹ اخبارتازہ ترین - اے پی پی۔ 23 مئی2024ء) تاریخ میں پہلی دفعہ جھیل روڈ کو وقتِ سے پہلے کاغان ڈویلپمنٹ اتھارٹی کے ٹیکنیکل سٹاف نے کھول دیا ۔محکمہ سیاحت خیبرپختونخوا حکام کے مطابق اب آنے والے سیاحوں کو برف سے ڈھکی ہوئی جھیل سیف الملوک کے منفرد نظارے ملیں گے ۔

(جاری ہے)

وزیر اعلیٰ خیبر پختونخوا علی امین گنڈاپور آور مشیر سیاحت وثقافت آور آثار قدیمہ زاہد چن کی حصوصی ہدایت پر سطح سمندر سے 10577 فٹ بلند پاکستان کے مشہور سیاحتی مقام جھیل سیف الملوک کو جانے والی روڈ سے کاغان ڈویلپمنٹ اتھارٹی کے ٹیکنیکل سٹاف نے بھاری مشینری کے زریعے طویل مشقت کے بعد کم سے کم وقت میں جھیل روڈ سے گلیشئرز آور مٹی کے تودوں کو صاف کر کے جیپوں کیلئے کھول دیا ۔

اب سیاح جھیل سیف الملوک کے طلسماتی حسن آور برف پوش پہاڑوں کے دلفریب نظاروں سے بھرپور لطف اندوز ہو سکیں گے۔