سلامتی کونسل: امدادی کارکنوں کا تحفظ یقینی بنانے کی قرارداد منظور
یو این ہفتہ 25 مئی 2024 10:30
اسلام آباد (اُردو پوائنٹ ۔ UN اردو۔ 25 مئی 2024ء) سلامتی کونسل نے امدادی کارکنوں اور اقوام متحدہ کے اہلکاروں کو تحفظ دینے کی قرارداد کثرت رائے سے منظور کر لی ہے جس میں مسلح تنازعات کے تمام فریقین سے کہا گیا ہے کہ وہ بین الاقوامی قوانین کے تحت اپنی ذمہ داریاں پوری کریں۔
15 رکنی کونسل میں اس قرارداد کے حق میں 14 ممالک نے ووٹ دیا جبکہ روس رائے شماری میں غیر حاضر رہا۔
سلامتی کونسل کے ارکان نے اس قرارداد میں دنیا بھر کے ممالک کو 1949 کے جنیوا کنونشن کے تحت ان کے فرائض یاد دلائے ہیں اور جن ممالک نے تاحال اس کنونشن کے اضافی پروٹوکول (1977 اور 2005) کی توثیق نہیں کی انہیں ایسا کرنے کو کہا گیا ہے۔
یاد رہے کہ رواں سال جنیوا کنونشن کی منظوری کو 75 برس بھی مکمل ہو رہے ہیں۔
(جاری ہے)
انسانی امداد کی یقینی فراہمی پر زور
سلامتی کونسل نے تمام ممالک سے کہا ہے کہ وہ اقوام متحدہ اور اس سے منسلک اہلکاروں کے تحفظ کے بارے میں کنونشن پر اتفاق رائے کے امکان پر بھی غور کریں۔
قرارداد
میں امدادی کارکنوں اور اقوام متحدہ کے عملے کے خلاف حملوں اور ہر طرح کے تشدد بشمول جنسی اور صنفی بنیاد پر تشدد، خطرات اور دھمکیوں کی سختی سے مذمت کی ہے۔علاوہ ازیں، اس میں انسانی امداد کو ضرورت مندوں تک رسائی دینے سے غیرقانونی طور پر انکار اور شہری آبادیوں کو بقا کے لیے درکار ضروری اشیا سے محروم رکھے جانے کی بھی مذمت شامل ہے۔
کونسل نے مسلح تنازعات کے تمام فریقین پر زور دیا ہے کہ وہ بین الاقوامی قانون کی متعلقہ شرائط کی مطابقت سے تمام ضرورت مند شہریوں کو انسانی امداد کی مکمل، محفوظ، تیزرفتار اور بلارکاوٹ فراہمی یقینی بنائیں۔قرارداد
میں امدادی عملے، اقوام متحدہ کے اہلکاروں بشمول ادارے کے لیے کام کرنے والے مقامی لوگوں کے تحفظ، سلامتی اور ان کی نقل و حرکت کی آزادی کو بہتر بنانے پر بھی زور دیا گیا ہے۔متعلقہ عنوان :
مزید اہم خبریں
-
خواتین کی شمولیت کے بغیر افغانستان کا کوئی مستقبل نہیں
-
دنیا میں 1.3 ارب نوعمر افراد ذہنی مسائل کا شکار، عالمی ادارہ صحت
-
یوکرین جنگ میں جسمانی تشدد کا استعمال معمول، تحقیقاتی کمیشن
-
پنجاب بھر کی مختلف جامعات کے وائس چانسلرز کی تقرریوں کا نوٹیفکیشن جاری
-
سپریم کورٹ کا تفصیلی فیصلہ الیکشن کمیشن کے خلاف چارج شیٹ ہے
-
وزیراعظم شہباز شریف کا پارلیمنٹ ہارلے اسٹریٹ کی کلینک میں طبی معائنہ
-
نشستیں کس طرح تقسیم ہونی ہیں تفصیلی فیصلے میں اس کا ذکر نہیں، وزیرقانون
-
مشرق وسطیٰ میں صورتحال انتہائی کشیدہ، یو این امدادی ادارے
-
پی ٹی آئی نے پریکٹس اینڈ پروسیجر آرڈیننس سندھ ہائیکورٹ میں چیلنج کردیا
-
ادویات پر 18 فی صد جی ایس ٹی، قیمتوں میں غیر معمولی اضافہ
-
ایف بی آر کا یکم اکتوبر سے نان فائلرز کیخلاف سخت کریک ڈائون کا فیصلہ
-
سپریم کورٹ کے فیصلے پر عمل نہ کرنے پر الیکشن کمیشن پر توہین عدالت لگ سکتی ہے
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.