ایشین چیمپئنز ہاکی: پاکستان اور کوریا کا میچ دلچسپ مقابلے کے بعد 2-2 گول سے برابر

میچ کے آخری لمحات کے دوران 3 منٹ میں 3 گول کیے گئے، کورین کھلاڑی نے آخری 8 سیکنڈز میں گول سکور کردیا

ذیشان مہتاب پیر 9 ستمبر 2024 14:01

ایشین چیمپئنز ہاکی: پاکستان اور کوریا کا میچ دلچسپ مقابلے کے بعد 2-2 ..

لاہور (اردو پوائنٹ تازہ ترین اخبار ۔ 9 ستمبر 2024ء ) ایشین چیمپیئنز ہاکی میں پاکستان اور کوریا کے درمیان میچ سنسنی خیز مقابلے کے بعد 2-2 گول سے برابر ہوگیا۔ چین کے شہر ہولینبیور میں دوسرے کوارٹر کی شروعات میں کوریا کی جانب سے جنگوان نے گول اسکور کرکے کورین ٹیم کو ایک گول کی سبقت دلائی۔ بعد ازاں کھیل کے آخری کوارٹر کے آخری لمحات میں حنان شاہد نے لگاتار دو فیلڈ گول اسکور کرکے پاکستان کو سبقت دلائی۔

کوریا کے سونگیان نے آخری 8 سیکنڈز میں گول کرکے میچ دو دو گول سے برابر کر دیا۔

(جاری ہے)

پاکستان اور کوریا کا میچ سنسنی خیز انداز میں برابری پر ختم ہوا، آخری لمحات کے دوران تین منٹ میں تین گول کیے گئے۔ شاندار پرفارمنس پر حنان شاہد کو میچ کا بہترین کھلاڑی قرار دیا گیا۔ واضح رہے کہ قومی ٹیم کا ملائیشیا کے خلاف میچ بھی برابری پر ختم ہوا تھا، پاکستانی ٹیم اپنا تیسرا میچ 11 ستمبر کو جاپان کے خلاف کھیلے گی۔