آئندہ سال سے آٹھویں جماعت کا بھی بورڈ کا امتحان ہوگا

بچوں کا امتحان متعلقہ سکول کی بجائے دوسرے سکول میں لیا جائے گا

ہفتہ 15 مارچ 2025 16:56

آئندہ سال سے آٹھویں جماعت کا بھی بورڈ کا امتحان ہوگا
لاہور (اُردو پوائنٹ اخبارتازہ ترین - این این آئی۔ 15 مارچ2025ء)آٹھویں جماعت کے طلبا ہوجائیں تیار، آئندہ سال سے آٹھویں جماعت کا بھی بورڈ کا امتحان لیا جائے گا۔تفصیلات کے مطابق بچوں کا امتحان متعلقہ سکول کی بجائے دوسرے سکول میں ہوگا، اس وقت بچوں کے پیپر اپنے سکول میں ہی لیے جارہے ہیں۔

(جاری ہے)

بچوں کے پیپرز بھی متعلقہ سکول کے اساتذہ ہی چیک کرکے رزلٹ بنارہے ہیں، بورڈ امتحان کیلئے نگران عملہ بھی باہر سے لگایا جائے گا۔بورڈ امتحان میں بچوں کے پیپرز بھی دوسرے سکولوں کے اساتذہ چیک کریں گے، بورڈ امتحان سے بچوں کی اسیسمنٹ بہتر طریقہ سے ہوسکے گی،آٹھویں جماعت میں بورڈ کا امتحان لینے سے نہم جماعت میں بچوں کو مضامین کے انتخاب میں آسانی ہوگی۔