صادق آباد میں مختلف ترقیاتی منصوبوں کا افتتاح کیا گیا

صادق آباد 31 مئی (اے پی پی) (اُردو پوائنٹ اخبارتازہ ترین - اے پی پی۔ 31 مئی2025ء) صادق آباد (تحصیل رپورٹر) مسلم لیگ (ن) کی عوام دوست پالیسیوں، شاندار حکمت عملی اور خدمت خلق کے جذبے کے تحت صادق آباد میں مختلف ترقیاتی منصوبوں کا افتتاح کیا گیا۔ ایم این اے و وفاقی پارلیمانی سیکرٹری سردار اظہر خان لغاری اور سابق صوبائی وزیر چوہدری محمد شفیق نے لغاری کالونی میں کارپیٹیڈ روڈ اور ٹف ٹائلز کے منصوبے کا باضابطہ افتتاح کیا۔

سرر اظہر خان لغاری اور چوہدری محمد شفیق نے ماڈل ٹاؤن میں پچاس لاکھ روپے کی لاگت سے تعمیر کیے جانے والے سڑک کے منصوبے اور جناح ٹاؤن میں مکمل ہونے والے سیوریج سسٹم کے منصوبے کا بھی افتتاح کیا۔ یہ تمام منصوبے عوامی ضروریات کو مدِنظر رکھتے ہوئے مکمل کیے گئے، جن کی تجاویز مسلم لیگ (ن) کے مقامی قائدین کی جانب سے پیش کی گئیں۔

(جاری ہے)

ماڈل ٹاؤن کا منصوبہ مسلم لیگ (ن) کے جنرل سیکرٹری چوہدری زبیر افضل اور چوہدری بلال افضل کی تجویز پر مکمل کیا گیا، جبکہ لغاری کالونی میں روڈ و ٹف ٹائلز منصوبہ کسان رہنما و سابق کونسلر میونسپل کمیٹی چوہدری محمد یٰسین کی تجویز پر پایہ تکمیل کو پہنچا۔

اس موقع پر ایک پُروقار تقریب کا اہتمام کیا گیاجس میں مسلم لیگ(ن) یوتھ ونگ کے نوجوانوں کی کثیر تعداد موجود تھی۔ ڈوثیرنل صدر یوتھ ونگ مسلم لیگ(ن)چوہدری محمد وقاص شفیق پپا،حاجی محمد عمران،ملک عوامی اتحادکے سربراہ ملک اسلام لالو بھائی، سابق تحصیل ناظم میاں بشیر احمد، میاں مسعود اشرف، چیف آفیسر میونسپل کمیٹی زوہیب خان لغاری، چوہدری اظہر شفیق، سابق چیئرمین بلدیہ چوہدری شفیق پپا،میاں عبدالسلام،چوہدری شفقت حسین،چوہدری اصغر علی، چوہدری خلیل احمد، چوہدری وقاص شفیق پپا، میاں شاہد مشتاق، عبدالصبور چوہدری ایڈووکیٹ، چوہدری محمد آصف خان لغاری، فاروق احمد لغاری، حافظ زاہد محمود چوہدری، حاجی مقبول حسین رندھاوا، مولانا فضل محمود حیدری، چوہدری اصغر علی، سمیت مسلم لیگ (ن) کے دیگر مقامی رہنما بھی موجود تھے۔

تقریب سے خطاب کرتے ہوئے ایم این اے سردار اظہر خان لغاری، چوہدری محمد شفیق اور چوہدری محمد یٰسین نے کہا کہ مسلم لیگ (ن) نے ہمیشہ عوامی خدمت کو اپنا شعار بنایا ہے۔ انہوں نے کہا کہ ان ترقیاتی منصوبوں کی تکمیل سے عوامی سہولیات میں نمایاں بہتری آئے گی اور علاقے کی مجموعی ترقی کا عمل تیز ہوگا۔افتتاح کے موقع پر مقامی شہریوں اور مسلم لیگی کارکنان نے اپنے قائدین کا فقید المثال استقبال کیا۔ مہمانوں پر پھولوں کی پتیاں نچھاور کی گئیں اور انہیں پھولوں کے ہار پہنائے گئے۔ \378