پرتگال، لزبن میں کیبل ریلوے کار حادثے کا شکار، 15 افراد ہلاک

سانحہ کے سبب پورا شہر غم کی کیفیت سے دوچار ہے، میئر لزبن کارلوس موئیڈاس

جمعرات 4 ستمبر 2025 14:21

لزبن (اُردو پوائنٹ اخبارتازہ ترین - این این آئی۔ 04 ستمبر2025ء)پرتگال کے دارالحکومت لزبن میں کیبل ریلوے کار کو پیش آنے والے حادثے میں 15 افراد ہلاک اور 18 زخمی ہوگئی.برطانوی میڈیا کے مطابق حادثے کی وجہ ابھی معلوم نہیں ہوسکی ہے، تحقیقات جاری ہیں۔

(جاری ہے)

حکام کا بتانا ہے کہ حادثے کے شکار افراد میں غیر ملکی سیاح بھی شامل ہیں۔لزبن کے میئر کارلوس موئیڈاس کا کہنا تھا کہ اس سانحہ کے سبب پورا شہر غم کی کیفیت سے دوچار ہے۔دوسری جانب پرتگال کے صدر مارسیلو ری بیلو ڈیسوزا نے امید ظاہر کی کہ انتظامیہ حادثے کی وجوہات جان کر آئندہ اس قسم کے حادثات کا سدباب کر سکیں۔