د*برطانیہ کی دفاعی تیاریوں پر شدید سوالات، سیکیورٹی اور جاسوسی کے خدشات

ح* حکومت کی دفاعی منصوبہ بندی گلیشیر کی رفتار سے چل رہی ہے،کمیٹی رپورٹ ٓروسی اور چینی جاسوسی سرگرمیوں کے درمیان برطانیہ اپنے دفاع کو مضبوط بنانے پر زور دے رہا ہے

اتوار 23 نومبر 2025 20:35

×لندن (اُردو پوائنٹ اخبارتازہ ترین - آن لائن۔ 23 نومبر2025ء) برطانیہ کی دفاعی تیاریوں اور ملکی سیکیورٹی کو لے کر شدید تشویش پیدا ہو گئی ہے، کیونکہ حالیہ سیکیورٹی خدشات اور جاسوسی کی رپورٹس نے عوام اور پارلیمنٹ دونوں میں ہنگامہ کھڑا کر دیا ہے۔ہاؤس آف کامنز کی دفاعی کمیٹی نے اپنی رپورٹ میں خبردار کیا کہ حکومت کے پاس کوئی جامع دفاعی منصوبہ نہیں ہے اور دفاعی اقدامات "گلیشیر کی رفتار" سے آگے بڑھ رہے ہیں۔

رپورٹ میں زور دیا گیا کہ برطانیہ کو اپنی نیوکلیئر صلاحیتیں بڑھانے، دفاعی صنعت کو مضبوط کرنے اور حلیف ممالک کے ساتھ انٹروپریبلٹی بڑھانے کی ضرورت ہے تاکہ ملک اور اس کے بیرونی علاقوں کا مؤثر دفاع ممکن ہو۔کمیٹی نے خاص طور پر روس پر توجہ دی، جس کے صدر ولادیمیر پوتن کی یوکرائن پر جارحیت، مسلسل جھوٹے اطلاعاتی مہمات اور یورپی فضائی حدود میں مبینہ مداخلت پر تشویش ظاہر کی گئی۔

(جاری ہے)

رپورٹ میں کہا گیا کہ برطانیہ اور یورپی ممالک امریکی تحفظ پر حد سے زیادہ انحصار کر رہے ہیں اور اپنے دفاع میں ناکافی سرمایہ کاری کر رہے ہیں۔روسی بحری موجودگی کے حوالے سے دفاعی سیکریٹری جان ہیلی نے خبردار کیا کہ روسی جاسوس جہاز یانٹار برطانوی پانیوں کے کنارے شمالی اسکاٹ لینڈ کے قریب دیکھا گیا۔ ہیلی کے مطابق، جہاز خفیہ مشن کے لیے بنایا گیا ہے اور برطانیہ کے زیرِ سمندر کیبلز کی نگرانی کر رہا ہے۔

اسی دوران، سیکیورٹی وزیر ڈین جارویس نے پارلیمنٹ میں بتایا کہ چین نے حساس معلومات تک رسائی رکھنے والے افراد کو بھرتی کرنے کی کوششیں کی ہیں، خاص طور پر لنکڈ ان کے ذریعے، جس کے لیے دو جعلی پروفائلز کا پتہ چلا۔ انہوں نے کہا کہ یہ ایک "خفیہ اور منصوبہ بند" کوشش ہے اور برطانوی حکومت اسے برداشت نہیں کرے گی۔حکومت نے فوری ردعمل دیتے ہوئے بدھ کو 13 نئے ہتھیار اور توانائی ذخیرہ کرنے کے منصوبوں کا اعلان کیا، جس کی تعمیر 1 جنوری 2026 سے شروع ہوگی۔ منصوبے سے 1,000 ملازمتیں پیدا ہوں گی اور دفاعی تیاری اور آگ بجھانے کی صلاحیت میں اضافہ ہوگا۔