چنے کے کاشتکاروں کو ریتلے علاقوں میں ہاتھ سے چلنے والی روٹری کے ذریعے جڑی بوٹیوں کی فوری تلفی کامشورہ

منگل 2 دسمبر 2025 15:33

فیصل آباد (اُردو پوائنٹ اخبارتازہ ترین - اے پی پی۔ 02 دسمبر2025ء) چنے کے کاشتکاروں کو ریتلے علاقوں میں ہاتھ سے چلنے والی روٹری کے ذریعے جڑی بوٹیوں کی فوری تلفی کا مشورہ دیا گیا ہے اور کہا گیا ہے کہ چنے کے کاشتکار اس ضمن میں کسی غفلت یاکوتاہی کا مظاہرہ نہ کریں کیونکہ معمولی سی لاپرواہی فصل کو بھاری نقصان پہنچانے کاموجب بن سکتی ہیں۔

(جاری ہے)

ریسرچ انفارمیشن یونٹ آری فیصل آباد کے مطابق چنے کی فصل کو پیازی، چھنکنی بوٹی، رت پھلائی، دمبی سٹی، لیہلی،ریواڑی سے بھی سخت نقصان پہنچنے کا احتمال ہے کیونکہ موسم کی تبدیلی کے ساتھ ہی یہ جڑی بوٹیاں زمین میں موجود خوراک اور نمی کو تیزی سے استعمال کرکے فصل کو شدید نقصان پہنچانے کا باعث بنتی ہے۔

انہوں نے کہاکہ کاشتکار جڑی بوٹیوں کی مؤثر تلفی کیلئے پہلی گوڈی فصل اگنے کے 30 سے40روز بعد اور دوسری گوڈی پہلی گوڈی کے مزید 30روز بعد یقینی بنائیں۔انہوں نے کہاکہ کاشتکار مزید رہنمائی و مشاورت کیلئے محکمہ زراعت کے فیلڈسٹاف کی خدمات سے بھی استفادہ کرسکتے ہیں۔