زراعت توسیع بہاول نگر کے زیرِ اہتمام زیادہ گندم اگاؤ مہم کے سلسلے میں ایک میگا کسان سیمینارکاانعقاد

بدھ 3 دسمبر 2025 17:20

چشتیاں (اُردو پوائنٹ اخبارتازہ ترین - اے پی پی۔ 03 دسمبر2025ء) زراعت توسیع بہاول نگر کے زیرِ اہتمام زیادہ گندم اگاؤ مہم کے سلسلے میں ایک میگا کسان سیمینار انمول میرج ہال، نور سر مرکز مدرسہ میں منعقد ہوا، جس میں تحصیل بھر سے 150 سے زائد کسانوں نے شرکت کی۔پروگرام کا آغاز تلاوتِ قرآن پاک سے ہوا۔

(جاری ہے)

زرعی آفیسر محمد مدثر اقبال نے شرکا کو خوش آمدید کہا اور گندم کی جدید پیداوار ٹیکنالوجی، جڑی بوٹیوں کے بروقت تدارک، کھادوں کے متوازن استعمال، بیماریوں کے کنٹرول اور کیڑوں سے بچاؤ کے بارے میں تفصیلی بریفنگ دی۔

اسسٹنٹ ڈائریکٹر زراعت (توسیع) بہاول نگر ریحان عالم نے سیمینار سے خطاب کرتے ہوئے کہا کہ گندم میں فی ایکڑ پیداوار کے لیے balanced fertilization نہایت ضروری ہے۔ انہوں نے کسانوں کو مشورہ دیا کہ پہلی آبپاشی کے ساتھ فاسفورس کا مکمل استعمال یقینی بنائیں، جبکہ یوریا کے بے جا یا دیر سے استعمال سے گریز کریں۔ انہوں نے یہ بھی کہا کہ پوٹاش، زنک اور بوران گندم کی قوتِ برداشت اور پیداوار دونوں میں واضح بہتری لاتے ہیں۔\378

Facebook Twitter Google + Share on Whatsapp

زراعت توسیع بہاول نگر کے زیرِ اہتمام زیادہ گندم اگاؤ مہم کے سلسلے میں ایک میگا کسان سیمینارکاانعقاد

متعلقہ عنوان :

مزید زراعت کی خبریں