محکمہ لائیو سٹاک اینڈ ڈیری ڈویلپمنٹ فیصل آباد کی مرغیوں کو بیماریوں سے بچانے کیلئے حفاظتی تدابیر پر عمل کی ہدایت

جمعرات 4 دسمبر 2025 13:54

لاہور (اُردو پوائنٹ اخبارتازہ ترین - اے پی پی۔ 04 دسمبر2025ء) ماہرین لائیو سٹاک نے کہا ہے کہ مرغیوں کو بیماریوں سے بچانے کیلئے حفاظتی تدابیر پر عملدرآمد کیا جائے اور شیڈ کی اچھی طرح صفائی سمیت اچھی قسم کے سپرے یا جراثیم کش ادویات کا استعمال بھی یقینی بنایا جائے تاکہ عوام کو صحت مند مرغیوں کے گوشت کی فراہمی ممکن ہو سکے۔ انہوں نے کہا کہ لائیو سٹاک اینڈ پولٹری فارمرز خصوصاً مرغی پال حضرات شیڈ کا درجہ حرارت 75تا 80فارن ہائٹ تک برقرار رکھیں اور سردیوں میں ٹھنڈی ہو اسے بچاؤ کیلئے پلاسٹک کے پردے لگانے سے پرہیز کیا جائے۔

انہوں نے کہا کہ چونکہ پلاسٹک کے پردوں سے شیڈ میں نمی کا خدشہ ہوتا ہے جس سے پرندے دم گھٹ کر مر سکتے ہیں اسلئے موٹے جینز کے پرد وں کو استعمال میں لایا جائے۔

(جاری ہے)

انہوں نے کہا کہ شیڈ میں تازہ ہوا کی آمد و رفت کا مناسب انتظام ہونا چاہیے جس کی وجہ سے سانس کی بیماریوں کا امکان بہت حد تک کم ہو جاتا ہے، رات کو پردے نیچے کرتے وقت تازہ ہوا کیلئے تھوڑا بہت راستہ رکھیں، شیڈ کا درجہ حرارت برقرار رکھنے کیلئے ہیٹر یا بھٹی کا استعمال کیا جائے اور اس بات کا خیال رہے کہ دھواں جمع نہ ہو کیونکہ دھویں سے پرندوں کے پھیپھڑوں پر اثر پڑتا ہے۔

انہوں نے کہا کہ بورا یا چاول کا چھلکا نیچے استعمال کیا جائے اور جب یہ گیلا ہو جائے توا سے فوراً بدل دینا چاہیے۔ انہوں نے کہا کہ سردیوں میں پرندوں کو وٹا من ای دینا چاہیے۔ انہوں نے کہا کہ اگر کوئی پرندہ مر جائے تو اسے گہرا گڑھا کھود کر زمین میں دبا دینا چاہیے اور فارم کے ارد گرد چونا بھی چھڑک دیا جائے تاکہ جراثیم پیدا ہونے کا خطرہ کم سے کم ہو سکے۔انہوں نے شیڈول کے مطابق پرندوں کی ویکسینیشن کروا نے کی ضرورت پر بھی زور دیا۔ انہوں نے کہا کہ اس ضمن میں مزید معلومات کیلئے محکمہ لائیو سٹاک کے فیلڈ سٹاف سے مشاورت کی جا سکتی ہے۔

Facebook Twitter Google + Share on Whatsapp

محکمہ لائیو سٹاک اینڈ ڈیری ڈویلپمنٹ فیصل آباد کی مرغیوں کو بیماریوں سے بچانے کیلئے حفاظتی تدابیر پر عمل کی ہدایت

متعلقہ عنوان :

مزید زراعت کی خبریں