سمبڑیال ، کاشتکاروں کو گاجر کی برداشت سے 2ہفتے قبل آبپاشی بند کرنے كی ہدایت

پیر 15 دسمبر 2025 14:14

سیالکوٹ (اُردو پوائنٹ اخبارتازہ ترین - اے پی پی۔ 15 دسمبر2025ء) محكمہ زراعت سمبڑیال نے کاشتکاروں کو گاجر کی برداشت سے 2ہفتے قبل آبپاشی بند کرنے كی ہدایت کی ہے۔زراعت آفیسر محكمہ زراعت سمبڑیال نے کہاہے کہ کاشتکار گاجر کی برداشت میں احتیاط سے کام لیں اور جب گاجر کی موٹائی 3سے4 سینٹی میٹر تک ہو جائے تو اسے برداشت کرنے میں تاخیر نہ کریں۔

(جاری ہے)

انہوں نے کہاکہ بروقت گاجر کی برداشت سے اس میں مٹھاس زیادہ بڑھ جاتی ہے لیکن اگر برداشت کے وقت تک اسے پانی دیاجاتارہے تو اس کی مٹھاس میں مسلسل کمی واقع ہوتی رہتی ہے۔

انہوں نے کہاکہ زمین کے وتر حالت میں ہونے سے گاجروں کی برداشت میں بھی مشکل کا سامنا کرناپڑ سکتا ہے۔ انہوں نے مزید بتایاکہ گاجر کا بیج تیارکرنے کے لئے گاجر کے ڈک کی منتقلی ایک دو روز میں مکمل کی جاسکتی ہے نیز ایک ایکڑ گاجر کی فصل سے تین ایکڑ بیج کی فصل کے ڈک حاصل کئے جا سکتے ہیں۔ انہوں نے بتایاکہ کاشتکار مزید رہنمائی کے لئے ماہرین زراعت کی خدمات سے بھی استفادہ کرسکتے ہیں۔

Facebook Twitter Google + Share on Whatsapp

سمبڑیال ، کاشتکاروں کو گاجر کی برداشت سے 2ہفتے قبل آبپاشی بند کرنے كی ہدایت

متعلقہ عنوان :

مزید زراعت کی خبریں