جو کاچارہ جانوروں کو فربہ بنانے میں انتہائی معاون ہے،ڈپٹی ڈائریکٹرزراعت

جمعرات 18 دسمبر 2025 17:59

فیصل آباد (اُردو پوائنٹ اخبارتازہ ترین - اے پی پی۔ 18 دسمبر2025ء) جہاں گندم، مکئی، چاول، گنا آسانی سے نہ کاشت کیا جا سکے وہاں جو کی فصل کامیابی سے کاشت کی جاسکتی ہے جو سخت جان ہونے کے علاوہ نامناسب حالات کو برداشت کرنے سمیت بہترین قوت مدافعت کی بھی حامل ہے اور کم سے کم زرعی مداخل کے ساتھ نہ صرف ہر قسم کی زمین سے جو کی بھرپورپیداوار کاحصول ممکن بنایاجاسکتاہے بلکہ اس سے خراب زمینوں کی از سر نو اصلاح بھی کی جاسکتی ہے۔

ڈپٹی ڈائریکٹرمحکمہ زراعت توسیع فیصل آباد عدیل احمد نے بتایاکہ جو کی روٹی، دلیہ اور ستو کو بطور خاص غذا استعمال کیاجاتاہے جبکہ جو کی فصل کاچارہ گائے، بھینس، بکری، گھوڑے، گدھے، خچر کی پسندیدہ خوراک ہونے کے علاوہ جانوروں کو فربہ بنانے میں بھی انتہائی معاون ثابت ہواہے۔

(جاری ہے)

انہوں نے بتایاکہ جو کی کاشت گندم کے ساتھ ہی شروع ہو جاتی ہے لیکن اس کی بڑھوتری کاعمل تیز ہونے کے باعث یہ گندم سے پہلے پک کرتیار ہو جاتی ہے۔

انہوں نے کہاکہ اگر جو کی کاشت سے لے کر برداشت تک زمین کی تیاری، شرح بیج، طریقہ کاشت، آبپاشی، کیمیائی کھادوں کے استعمال وغیرہ کا خیال رکھا جائے تو جو کی فصل سے بمپر کراپ کا حصول یقینی بنایا جاسکتاہے۔ انہوں نے کہاکہ کاشتکار مزید رہنمائی کیلئے محکمہ زراعت کے فیلڈ سٹاف کی خدمات سے استفادہ حاصل کرسکتے ہیں۔

Facebook Twitter Google + Share on Whatsapp

جو کاچارہ جانوروں کو فربہ بنانے میں انتہائی معاون ہے،ڈپٹی ڈائریکٹرزراعت

متعلقہ عنوان :

مزید زراعت کی خبریں