دودھ اور گوشت کی بہتر پیداوار کے حصول کے لئے پھپھوندی لگی پرالی کے استعمال سے گریز کریں، لائیو سٹاک سمبڑیال

جمعہ 6 مارچ 2026 13:14

سیالکوٹ (اُردو پوائنٹ اخبارتازہ ترین - اے پی پی۔ 06 مارچ2026ء) ڈپٹی ڈائریکٹر محکمہ لائیو سٹاک و ڈیری ڈویلپمنٹ سمبڑیال ڈاکٹر محمد افضل نے مویشی پال حضرات کو ہدایت کی ہے کہ دودھ اور گوشت کی بہتر پیداوار کے حصول کے لئے پھپھوندی لگی پرالی کے استعمال سے گریز کریں۔

(جاری ہے)

انہوں نے کہا کہ مویشی پال حضرات جانوروں کی حفاظت اور مویشیوں کو صحت مند، تندرست و توانا رکھنے کیلئے سبز چارے ،گندم کا بھوسہ اور سائلیج سے استفادہ کریں کیونکہ پرالی کے استعمال سے جانورمختلف موذی موسمی و متعدی امراض میں مبتلا ہو سکتے ہیں جس کے ساتھ ساتھ دودھ اور گوشت کی پیداوار میں تیزی سے کمی واقع ہونا شروع ہو جاتی ہے۔

انہوں نے کہا کہ پرالی میں فنگس کے باعث جانوروں و مویشیوں میں دیگر امراض کے ساتھ ساتھ ڈیگ نالہ کا مرض بھی شدت اختیار کرسکتاہے جس کے باعث مویشیوں کے تھنوں پر زخم آجاتے ہیں جبکہ ٹانگوں میں سوزش سمیت پائوں، کان اور دم بھی گلنا شروع ہو جاتی ہے۔ انہوں نے بتایا کہ ایسی علامات ظاہر ہونے پر مویشی پال حضرات فوری طور پر کسی مستند ویٹرنری ڈاکٹر یا لائیوسٹاک کے ہسپتالوں و ڈسپنسریوں سے رابطہ کریں تاکہ بیماری کو بڑھنے سے روکا جا سکے ۔

Facebook Twitter Google + Share on Whatsapp

دودھ اور گوشت کی بہتر پیداوار کے حصول کے لئے پھپھوندی لگی پرالی کے استعمال سے گریز کریں، لائیو سٹاک سمبڑیال

متعلقہ عنوان :

مزید زراعت کی خبریں