سیالكوٹ،کاشتکاروں کو تربوز اور خربوزے کی کاشت مارچ میں مکمل کرنے کی ہدایت

بدھ 18 مارچ 2026 15:42

سیالكوٹ (اُردو پوائنٹ اخبارتازہ ترین - اے پی پی۔ 18 مارچ2026ء) اسسٹنٹ ڈائریكٹر محكمہ زراعت سمبڑیال ڈاكٹر افتخار حسین بھٹی نے کاشتکاروں کو تربوز اور خربوزے کی کاشت مارچ میں مکمل کرنے کی ہدایت کی ہے۔ انہوں نے کہا کہ تربوز اور خربوزے کی کاشت جنوری سے لے کر مارچ تک کی جاتی ہے اس لئے کاشتکار مارچ میں کاشت مکمل کرلیں۔

(جاری ہے)

انہوں نے کہا کہ تربوز اور خربوزے کے لئے ریتلی میرہ زمین درکار ہوتی ہے اور اس کے بیج ایک کلو فی ایکڑ لگائے جاتے ہیں۔

انہوں نے کہا کہ تربوز اور خربوزے کی کاشت کے لئے دیسی کھاد 10 سے15 ٹرالی فی ایکڑ ڈالیں اور قطاروں و پودوں کا مناسب فاصلہ رکھیں۔ انہوں نے کہا کہ تربوز اور خربوزے کی فصل کو 5 سے6 پانی لگانے کی ضرورت ہوتی ہے،بیماریوں سے بچائو کے لئے محکمہ زراعت سے رابطہ کریں ۔

Facebook Twitter Google + Share on Whatsapp

سیالكوٹ،کاشتکاروں کو تربوز اور خربوزے کی کاشت مارچ میں مکمل کرنے کی ہدایت

متعلقہ عنوان :

مزید زراعت کی خبریں