کمشنر ملتان کا تحصیل ہیڈکوارٹر ہسپتال کبیروالا کا دورہ

مریضوں کی جانب سے ادویات باہر سے منگوانے کی شکایت پر سخت برہمی کا اظہار

جمعرات 26 مارچ 2026 18:28

خانیوال(اُردو پوائنٹ اخبارتازہ ترین - این این آئی۔ 26 مارچ2026ء) کمشنر ملتان ڈویژن عامر کریم خاں نے تحصیل ہیڈکوارٹر ہسپتال کبیروالا کا تفصیلی دورہ کیا۔ اس موقع پر ڈپٹی کمشنر ملیحہ رشید اور اسسٹنٹ کمشنر رانا عامر لیاقت بھی ان کے ہمراہ تھے۔کمشنر نے ایمرجنسی سمیت ہسپتال کے مختلف شعبہ جات کا معائنہ کیا اور مریضوں کو فراہم کی جانے والی طبی سہولیات کا جائزہ لیا۔

اس دوران مریضوں کی جانب سے ادویات باہر سے منگوانے کی شکایت پر کمشنر نے سخت برہمی کا اظہار کیا اور ڈپٹی کمشنر کو ڈسپنسرکی معطلی کے احکامات جاری کیے۔کمشنر عامر کریم خاں نے ہسپتال میں صفائی کی صورتحال کو مزید بہتر بنانے اور مریضوں کے رش کے پیش نظر مثر انتظامی اقدامات کرنے کی ہدایت بھی کی۔ انہوں نے مریضوں اور ان کے لواحقین سے ملاقات کی اور سروس ڈیلیوری کے حوالے سے استفسار کیا۔

(جاری ہے)

عامر کریم خاں کا کہنا تھاکہ ہسپتال میں طبی سہولیات کی فراہمی کو مزید بہتر بنایا جائے میڈیا سے گفتگو کرتے ہوئے انہوں نے بتایاکہ یورالوجی اور پیڈز وارڈ کو جلد فعال کردیا جائے گا- ڈپٹی کمشنر ملیحہ رشید نے بریفنگ دیتے ہوئے بتایا کہ ضلع بھر کی تمام ہیلتھ فیسلٹیز کی کڑی مانیٹرنگ کی جا رہی ہے اور مریضوں کے علاج معالجہ میں غفلت برتنے والوں کے خلاف زیرو ٹالرینس پالیسی کے تحت کارروائی عمل میں لائی جا رہی ہے۔