جیکب آباد میں معذور بچی کے ہمراہ باپ کا احتجاج، بیت المال و عشر زکوٰة سے مدد کی اپیل

اتوار 29 مارچ 2026 19:30

جیکب آباد (اُردو پوائنٹ اخبارتازہ ترین - این این آئی۔ 29 مارچ2026ء) جیکب آباد میں معذور بچی کے ہمراہ باپ کا احتجاج، بیت المال و عشر زکوٰة سے مدد کی اپیل۔

(جاری ہے)

تفصیلات کے مطابق جیکب آباد کے گاؤں احمد میاں سومرو کے رہائشی وزیر علی سومرو نے اپنی معذور معصوم بیٹی کے ہمراہ پریس کلب کے سامنے احتجاج کیا اور عشر زکوٰة، بیت المال اور متعلقہ اداروں کے خلاف شدید نعرے بازی کی، احتجاج کرنے والے وزیر علی سومرو کا کہنا تھا کہ بیت المال، عشر زکوٰة اور معذور افراد کے لیے قائم اداروں کی جانب سے انہیں کسی قسم کی مالی یا عملی مدد فراہم نہیں کی جا رہی جس کے باعث وہ شدید مشکلات کا شکار ہیں، انہوں نے کہا کہ ان کی بیٹی معذور ہے اور اس کی دیکھ بھال اور علاج کے لیے مالی وسائل نہ ہونے کے برابر ہیں لیکن متعدد بار درخواستیں دینے کے باوجود کوئی مدد نہیں کی گئی، انہوں نے متعلقہ حکام سے مطالبہ کیا کہ فوری طور پر ان کی مالی مدد کی جائے اور معذور بچی کے علاج و کفالت کے لیے مستقل بنیادوں پر تعاون فراہم کیا جائے تاکہ وہ کسمپرسی کی زندگی سے نکل سکیں۔