محکمہ زراعت كی کاشتکاروں کو ہلدی کی کاشت 20 اپریل تک مکمل کرنے کی ہدایت

منگل 7 اپریل 2026 12:44

سیالكوٹ (اُردو پوائنٹ اخبارتازہ ترین - اے پی پی۔ 07 اپریل2026ء) محکمہ زراعت نے کاشتکاروں کو ہلدی کی کاشت 20 اپریل تک مکمل کرنے کی ہدایت کی ہے۔ اسسٹنٹ ڈائریكٹر محكمہ زراعت سمبڑیال ڈاكٹر افتخار حسین بھٹی نے اے پی پی سے گفتگوکرتے ہوئےکہا ہے کہ ہلدی کی کاشت کے لئے پانی کے اچھے نکاس والی ذرخیز میرازمین انتہائی موزوں ہے۔

(جاری ہے)

انہوں نے کہاکہ جس کھیت میں پہلے برسیم کاشت کی گئی ہو وہاں اگر 2کٹائیوں کے بعد تیسری بار کھیت میں ہل چلا کر برسیم کو مٹی میں دبادیاجائے اور 20 سے25ٹن گوبر کی گلی سڑی کھاد ڈال کر اسے اچھی طرح ہموار کرلیاجائے تووہاں ہلدی کی بہتر فصل پیدا ہو سکتی ہے۔

انہوں نے کہا کہ ایک ایکڑ رقبہ پر کاشت کے لیے ہلدی کے گچھوں میں سے 600 سے 700 کلوگرام ہلدی کی درمیان والی موٹی گٹھیاں چن لیں اور چاقو سے ان کے 2ٹکڑے کرکے 15 سے 20سینٹی میٹر کے فاصلے پر نصف میٹر قطاروں میں کاشت کریں۔انہوں نے کہاکہ ہلدی کے بیج کو کھرپے کی مدد سے 5سینٹی میٹر گہرا دب دیں اور کاشت کے بعد کھیت پر کماد کی کھوری کی 2سے 3سینٹی میٹر موٹی تہہ بچھائیں تاکہ کھیت کی نمی برقرار اور زمین کا درجہ حرارت مناسب رہ سکے۔

Facebook Twitter Google + Share on Whatsapp

محکمہ زراعت كی کاشتکاروں کو ہلدی کی کاشت 20 اپریل تک مکمل کرنے کی ہدایت

متعلقہ عنوان :

مزید زراعت کی خبریں