محکمہ زراعت نے تل کی منظور شدہ اقسام اور کاشت کے شیڈول کا اعلان کردیا

بدھ 8 اپریل 2026 18:42

فیصل آباد (اُردو پوائنٹ اخبارتازہ ترین - اے پی پی۔ 08 اپریل2026ء) محکمہ زراعت نے تل کی منظور شدہ اقسام اور کاشت کے شیڈول کا اعلان کردیاہے اور کہا ہے کہ کاشتکار اعلان کردہ شیڈول کے مطابق تل کی منظور شدہ اقسام کاشت کرکے بہترین پیداوار حاصل کرسکتے ہیں۔

(جاری ہے)

ڈپٹی دائریکٹر محکمہ زراعت توسیع فیصل آبادعامر صدیق نے بتایا کہ تل کی سفارش کردہ منظور شدہ اقسام میں ایک شاخ والی اقسام میں انمول تل اور ٹی ایچ 6 جبکہ شاض دار اقسام میں ٹی ایس 3،ٹی ایس 5، بلیک کنگ، نیاب تل 2016،نیاب میلینیم اور نیاب پرل شامل ہیں۔

انہوں نے بتایا کہ ٹی ایس 3 کو 15 اپریل سے 30 مئی تک، ٹی ایس5 کویکم مئی سے 15 جون تک، ٹی ایچ 6 کویکم مئی سے 30 مئی تک، انمول تل کو یکم مئی سے 30 مئی تک، بلیک کنگ کو 15 مئی سے15 جون تک، نیاب پرل کو 15 اپریل سے31 جولائی تک، نیاب تل2016 کو15 اپریل سے10 اگست تک اور نیاب میلینیم کو 15 جون سے 31 جولائی تک کاشت کیا جاسکتا ہے۔

Facebook Twitter Google + Share on Whatsapp

محکمہ زراعت نے تل کی منظور شدہ اقسام اور کاشت کے شیڈول کا اعلان کردیا

مزید زراعت کی خبریں