سینیٹ قائمہ کمیٹی برائے کابینہ سیکرٹریٹ نے سرکاری افسران کی تنخواہوں، مراعات کی تفصیلات طلب کر لیں

جمعرات 16 اپریل 2026 20:01

اسلام آباد (اُردو پوائنٹ اخبارتازہ ترین - آن لائن۔ 16 اپریل2026ء) سینیٹ قائمہ کمیٹی برائے کابینہ سیکرٹریٹ نے سرکاری افسران کی تنخواہوں، مراعات کی تفصیلات طلب کر لیں۔

(جاری ہے)

اجلاس میں کمیٹی نے سیکریٹری اسٹیبلشمنٹ ڈویژن کو 22 اپریل کو افسران کی مکمل تفصیلات کے ساتھ طلب کر لیا،قائمہ کمیٹی نے وفاقی سروس میں دوہری شہریت کے حامل افسران کی تفصیلات بھی طلب کر لیںگریڈ 17 سے اوپر دوسری شہریت کے حامل افسران کی سیکیورٹی کلیئرنس کے طریقہ کار کی تفصیلات بھی طلب کر لی گئیں۔

حساس آسامیوں پر دوہری شہریت کے حامل افسران کی تعیناتی کے حوالے سے حکومت کی پالیسی پر بریفنگ دی جائے گی۔اسٹیبلشمنٹ ڈویژن سے سول سروسز اصلاحات پر بھی قائمہ کمیٹی کو بریفنگ دی جائے گی۔ ریٹائرڈ سول سرونٹس کے لئے پنشن اصلاحات، میڈیکل الانس سے متعلق تفصیلات بھی پیش کی جائیں گی۔۔