بالی ووڈ کے سپر اسٹار امیتابھ بچن کا مداحوں سے محبت اور حمایت پر اظہارِ تشکر

منگل 12 مئی 2026 21:17

ممبئی (اُردو پوائنٹ اخبارتازہ ترین - آن لائن۔ 12 مئی2026ء) بالی ووڈ کے سپر اسٹار امیتابھ بچن نے اپنے مداحوں سے محبت اور حمایت پر اظہارِ تشکر کیا۔ انہوں نے کہا کہ مداحوں کی دعائیں اور محبت ہی ان کے لیے سب سے بڑا اعزاز ہیں۔اداکار نے اپنے بلاگ پر مداحوں کی ملاقات کی چند تصاویر شیئر کیں۔

(جاری ہے)

یہ تصاویر ان کی ہفتہ وار فین میٹنگ کے دوران لی گئیں، جو ہر اتوار کو ممبئی میں ان کی رہائش گاہ "جلسہ" کے باہر منعقد ہوتی ہے۔

اس موقع پر سیکڑوں مداح اپنے پسندیدہ اداکار کی ایک جھلک دیکھنے کے لیے جمع ہوتے ہیں۔اپنے پیغام میں انہوں نے لکھا "یہ میرے لیے فخر اور اعزاز کی بات ہے کہ مجھے اتنے لوگوں کی دعائیں حاصل ہیں۔ وہ مجھے یقین دلاتے ہیں، جینے کا حوصلہ دیتے ہیں، اور مزید محنت کرنے کی ترغیب دیتے ہیں۔ وہ میری ایکسٹینڈڈ فیملی یعنی میری توسیع شدہ فیملی ہیں۔