لارڈز ٹیسٹ،انگلینڈ نے نیوزی لینڈ کو 115 رنز سے ہرادیا

چوتھے روز نیوزی لینڈ کی ٹیم دوسری اننگز میں 254 رنز کے ہدف کے تعاقب میں 138 رنز بنا کر آل آئوٹ ہوگئی نیوزی لینڈ کی جانب سے گلین فلپس 44 اور ڈیون کونوے 41 رنز بناکر نمایاں رہے، انگلینڈ کے گس اٹکنسن نے 5، اولی رابنسن اور جوش ٹنگ نے 2، 2 کھلاڑیوں کو آئوٹ کیا،انگلینڈ نے 3 میچز کی سیریز میں 0-1 کی برتری حاصل کرلی، دونوں ٹیموں کے درمیان دوسرا ٹیسٹ میچ 17 جون سے اوول میں کھیلا جائیگا

اتوار 7 جون 2026 19:55

لندن (اُردو پوائنٹ اخبارتازہ ترین - این این آئی۔ 07 جون2026ء) لارڈز ٹیسٹ میں انگلینڈ نے نیوزی لینڈ کو 115 رنز سے شکست دے دی۔ میچ کے چوتھے روز نیوزی لینڈ کی ٹیم دوسری اننگز میں 254 رنز کے ہدف کے تعاقب میں 138 رنز بنا کر آل آئوٹ ہوگئی، نیوزی لینڈ کی جانب سے گلین فلپس 44 اور ڈیون کونوے 41 رنز بناکر نمایاں رہے، انگلینڈ کے گس اٹکنسن نے 5، اولی رابنسن اور جوش ٹنگ نے 2، 2 کھلاڑیوں کو آئوٹ کیا،انگلینڈ نے 3 میچز کی سیریز میں 0-1 کی برتری حاصل کرلی، دونوں ٹیموں کے درمیان دوسرا ٹیسٹ میچ 17 جون سے اوول میں کھیلا جائے گا۔

واضح رہے کہ پہلی اننگز میں انگلینڈ کی ٹیم 140 رنز بنا کر آل آئوٹ ہوگئی تھی،ہوم ٹیم کی جانب سے ہیری بروک 56 رنز بنا کر ٹاپ اسکورر رہے تھے،نیوزی لینڈ کی جانب سے کائل جیمیسن نے 5 کھلاڑیوں کو آئوٹ کیا تاہم انگلش بولرز نے نیوزی لینڈ کی ٹیم کو پہلی اننگز میں 113 رنز پر ڈھیر کر دیا۔

(جاری ہے)

کائل جیمیسن ناقابلِ شکست 38 رنز بنا کر ٹاپ اسکورر رہے تھے، انگلینڈ کی جانب سے اولی رابنسن 5 وکٹیں لے کر نمایاں رہے تھے۔

اپنی دوسری اننگز میں انگلیند نے بہتر کھیل کا مظاہرہ کیا، ہوم ٹیم 226 رنز بنانے میں کامیاب ہوئی اور یوں نیوزی لینڈ کو جیت کیلئے 254 رنز کا ہدف ملا، انگلینڈ کے ایمیلیو گے 57 رنز بنا کر ٹاپ اسکورر رہے، نیوزی لینڈ کی جانب سے نیتن اسمتھ 6 وکٹیں لے کر نمایاں رہے تھے۔ اس فتح کے ساتھ ہی انگلینڈ نے 3 میچز کی سیریز میں 0-1 کی برتری حاصل کرلی، دونوں ٹیموں کے درمیان دوسرا ٹیسٹ میچ 17 جون سے اوول میں کھیلا جائے گا۔

Facebook Twitter Google + Share on Whatsapp

لارڈز ٹیسٹ،انگلینڈ نے نیوزی لینڈ کو 115 رنز سے ہرادیا

متعلقہ عنوان :

مزید اہم خبریں