پاکستان 64 سال بعد بین الاقوامی فٹبال ٹورنامنٹ کے فائنل میں پہنچ گیا

افغانستان کو 0-2گول سے شکست دیکر فائنل کیلئے کوالیفائی کیا

اتوار 7 جون 2026 20:10

پاکستان 64 سال بعد بین الاقوامی فٹبال ٹورنامنٹ کے فائنل میں پہنچ گیا
 اسلام آباد (اُردو پوائنٹ اخبارتازہ ترین - آن لائن۔ 07 جون2026ء) ڈائمنڈ جوبلی انٹرنیشنل فٹبال ٹورنامنٹ کے اہم میچ میں پاکستان نے افغانستان کو صفر کے مقابلے میں دو گول سے شکست دے کر فائنل کے لیے کوالیفائی کر لیا۔ اس کامیابی کے ساتھ قومی ٹیم 1962 کے مردیکا کپ کے بعد پہلی بار کسی آزاد بین الاقوامی فٹبال ٹورنامنٹ کے فائنل میں پہنچی ہے۔

(جاری ہے)

مالدیپ میں جاری ایونٹ میں پاکستان نے میچ کے پانچویں منٹ میں شائق دوست کے خوبصورت پاس پر عمر نواز نے گول کر کے پاکستان کو برتری دلائی۔

پاکستان نے پورے میچ میں عمدہ کھیل کا مظاہرہ کیا اور افغان ٹیم کو کھل کر کھیلنے کا موقع نہ دیا۔ اضافی وقت کے پہلے منٹ میں عادل نبی کے پاس پر ہارون حمید نے شاندار گول کر کے پاکستان کی دو صفر سے فتح پر مہر ثبت کر دی۔نولبرٹو سولانو کی زیرِ قیادت قومی ٹیم نے ایونٹ کے راؤنڈ رابن مرحلے میں پہلی پوزیشن حاصل کی۔ مالدیپ کے خلاف 0-3گول کی تاریخی کامیابی کے بعد افغانستان کو شکست دے کر پاکستان نے فائنل میں جگہ بنائی، جو دس جون کو کھیلا جائے گا