فیفا ورلڈکپ: لائیو کوریج کے دوران میکسیکن فین کا غیر ملکی رپورٹر کو بوسہ، ویڈیو وائرل

اچانک پیش آنے والے اس واقعے پر رپورٹر ابتدا میں حیران ہوا تاہم اس نے مسکراتے ہوئے ہسپانوی زبان میں (شکریہ) کہا

ذیشان مہتاب ہفتہ 13 جون 2026 11:23

فیفا ورلڈکپ: لائیو کوریج کے دوران میکسیکن فین کا غیر ملکی رپورٹر کو ..

میکسیکو سٹی (اردو پوائنٹ تازہ ترین اخبار ۔ 13 جون 2026ء ) فیفا ورلڈ کپ 2026ء کا آغاز رنگا رنگ تقریب کے بعد سنسنی خیز مقابلوں سے ہوگیا۔

پہلے ہی میچ میں تین ریڈ کارڈز نے جہاں ورلڈکپ کی سنسنی کو بڑھادیا وہیں کچھ دلچسپ واقعات بھی دیکھنے میں آئے۔

ایسا ہی ایک دلچسپ اور غیر متوقع واقعہ میکسیکو کے شہر گواڈالاہارا سے براہِ راست رپورٹنگ کرنے والے ایک جنوبی کوریائی صحافی کے ساتھ پیش آیا جس کی ویڈیو تیزی سے سوشل میڈیا پر وائرل ہو گئی۔

(جاری ہے)

رپورٹر جنوبی کوریا اور جمہوریہ چیک کے درمیان میچ سے قبل لائیو نشریات میں مصروف تھا کہ اچانک ایک میکسیکن خاتون مداح اس کے قریب آگئیں۔

وائرل ویڈیو میں دیکھا جا سکتا ہے کہ ایک خاتون پیچھے کی جانب سے آئیں، رپورٹر کو گلے لگایا اور اس کے گال پر بوسہ دے کر وہاں سے چلی گئیں۔

اچانک پیش آنے والے اس واقعے پر رپورٹر ابتدا میں حیران ہوا تاہم اس نے مسکراتے ہوئے ہسپانوی زبان میں (شکریہ) کہا۔

𝑯𝑶𝑾 𝑪𝑨𝑵 𝒀𝑶𝑼 𝑵𝑶𝑻 𝑳𝑶𝑽𝑬 𝑻𝑯𝑬 𝑾𝑶𝑹𝑳𝑫 𝑪𝑼𝑷 🤣

🎥 @withMBC pic.twitter.com/iM0NXufBtt
— 433 (@433) June 12, 2026

سوشل میڈیا پر بعض صارفین اسے ورلڈ کپ کے رنگا رنگ اور دوستانہ ماحول کی عکاسی قرار دے رہے ہیں تو کچھ افراد نے رضامندی کے اصول پر بحث چھیڑ دی ہے اور سوال اٹھایا کہ اگر ایسا اقدام کسی مرد کی جانب سے کیا جاتا تو ردعمل مختلف ہو سکتا تھا۔