Live Updates

چینی وزیر خارجہ کا ایرانی ہم منصب سے ٹیلیفونک رابطہ، ایران، امریکا ایم او یو پر گفتگو

ایران کی اپنی خودمختاری ، سلامتی و تحفظ کے جائز دعووں اور کوششوں کی حمایت کرتے ہیں،وانگ یی کی گفتگو

بدھ 17 جون 2026 22:10

تہران(اُردو پوائنٹ اخبارتازہ ترین - این این آئی۔ 17 جون2026ء) چینی وزیر خارجہ وانگ یی نے ایرانی ہم منصب سید عباس عراقچی سے ٹیلیفونک رابطہ کیاجس میں دونوں وزرائے خارجہ نے ایران، امریکا مفاہمتی یادداشت پر تبادلہ خیال کیا۔

(جاری ہے)

ایرانی میڈیا کے مطابق اس موقع پر ایرانی وزیر خارجہ سید عباس عراقچی نے کہا کہ مفاہمتی یادداشت کے مواقع سے ایران اور چین دوطرفہ تعاون کو فروغ دے سکتے ہیں۔

ایرانی میڈیا کے مطابق عباس عراقچی نے مذاکراتی عمل اور معاہدے میں حمایت پر چین کا شکریہ بھی ادا کیا۔ اس موقع پر چینی وزیر خارجہ وانگ یی نے کہا کہ ایران کی اپنی خودمختاری اور سلامتی و تحفظ کے جائز دعووں اور کوششوں کی حمایت کرتے ہیں۔ انہوںنے کہا کہ آبنائے ہرمز میں نیویگیشن کے مسئلے کو مناسب طریقے سے حل کیا جانا چاہیے۔