چونیاں،3بدنام زمانہ منشیات فروش گرفتار ،5کلوگرام منشیات برآمد

پیر 22 جون 2026 14:00

چونیاں(اُردو پوائنٹ اخبارتازہ ترین - این این آئی۔ 22 جون2026ء) سرکل چونیاں کے تھانہ کنگن پور میں 03بدنام زمانہ منشیات فروش گرفتار کر کے 5کلوگرام منشیات برآمد کر لی گئی ۔ تھانہ کنگن پور پولیس نے ایس ایچ او غازی کامران شہزاد سندھو کی سربراہی میں کارروائی کی اور کنگن پور کے مختلف علاقوں سے بدنام زمانہ 03منشیات فروش گرفتار کیے ۔

(جاری ہے)

ملزم ابوبکر صدیق میو سے اڑھائی کلوگرام چرس برآمد ہوئی ، خان یکے پیریکے کے رہائشی ملزمان عابد ڈوگر اور تنویر ڈوگر سے اڑھائی کلوگرام ہیروئن اور پسٹل برآمد ہوا ۔

ملزمان کے خلاف امتناع منشیات کی دفعات کے تحت الگ الگ مقدمات درج کر لیے گئے ۔ ملزمان عرصہ دراز سے کنگن پور کے گردونواح میں منشیات کے مکروہ دھندہ سے نوجوان نسل تباہ کر رہے تھے ۔ ڈی پی او آفتاب احمد پھلروان کی قیادت میں پولیس کی منشیات کے خلاف بھرپور کارروائیاں جاری ہیں۔