قاضی حسین احمد میڈیکل کمپلیکس نوشہرہ کی نرسنگ ڈائریکٹر نے بطور نرسنگ ڈائریکٹر چارج سنبھال لیا

ہفتہ 4 جولائی 2026 20:20

پبی (اُردو پوائنٹ اخبارتازہ ترین - این این آئی۔ 04 جولائی2026ء) قاضی حسین احمد میڈیکل کمپلیکس ایم ٹی آئی نوشہرہ کی نرسنگ ڈائریکٹر مس زائفہ گل نے بطور نرسنگ ڈائریکٹر چارج سنبھال لیا۔

(جاری ہے)

اس موقع پر نرسنگ ڈیپارٹمنٹ کی جانب سے ایک تعارفی پروگرام کا اہتمام کیا گیا، پروگرام میں ہسپتال ڈائریکٹر پروفیسر ڈاکٹر حمزہ اللہ خان، میڈیکل ڈائریکٹر پروفیسر ڈاکٹر سردار سہیل آفسر، نرسنگ سٹاف اور ایڈمنسٹریٹو سٹاف کی کثیر تعداد نے شرکت کی ہسپتال ڈائریکٹر اور میڈیکل ڈائریکٹر نے ایڈمنسٹریٹو سٹاف کی جانب سے نو تعینات نرسنگ ڈائریکٹر مس زائفہ گل کو خوش آمدید کہا اور ہسپتال کی بہتری کے لیے ایک ٹیم کی صورت میں کام کرنے کی یقین دہانی کرائی نو تعینات نرسنگ ڈائریکٹر مس زائفہ گل نے بھی اس عزم کا اظہار کیا کہ وہ ٹیم ورک کے ذریعے ہسپتال کو ترقی کی راہ پر گامزن کریں گی اور نرسنگ سروسز کے معیار کو مزید بہتر بنائیں گی پروگرام کے دوران ہسپتال ڈائریکٹر، میڈیکل ڈائریکٹر اور نو تعینات نرسنگ ڈائریکٹر نے سابقہ ایکٹنگ نرسنگ ڈائریکٹر محترمہ تحمینہ تاج کی خدمات کو سراہا اور انہیں خراج تحسین پیش کیاپروگرام کے اختتام پر کیک بھی کاٹا گیا۔